கடந்த 2004 ஆம் ஆண்டு விஜய் நடிப்பில் வெளியான படம் ‘கில்லி’. தரணி இயக்கத்தில் ரிலீசான இப்படம் பிளாக் பஸ்டர் ஹிட்டடித்து இருந்தது. இந்நிலையில் இப்படம் வெளியாகி 20 ஆண்டுகள் கழிந்த நிலையில் தற்போது மீண்டும் ரீ ரிலீஸ் செய்யப்பட்டுள்ளது. நேற்றைய தின மறு வெளியீடு செய்யப்பட்டுள்ள இப்படம் வசூலில் சக்கை போடு போட்டு வருகிறது.
தமிழ் சினிமாவில் உச்ச நடிகராக திகழ்பவர் விஜய். இவரின் ஒவ்வொரு பட வெளியீட்டையும் திருவிழாவை போல் ரசிகர்கள் கொண்டாடுவது வழக்கம். அது மட்டும் இல்லாமல் இவரின் புதிய படங்கள் அப்டேட்கள் வெளியாவதை கூட ரசிகர்கள் வேறலெவலில் செலிபிரேட் செய்வார்கள். அப்படஈ இருக்கையில் தற்போது விஜய்யின் ‘கில்லி’ பட ரீ ரிலீசை மரண மாஸாக கொண்டாடி வருகின்றனர் ரசிகர்கள்.
கடந்த 2004 ஆம் ஆண்டு விஜய் நடிப்பில் வெளியான படம் ‘கில்லி’. தரணி இயக்கத்தில் ஏப்ரல் 17 ஆம் தேதி ரிலீசான இப்படத்தில் திரிஷா, பிரகாஷ் ராஜ், ஆஷிஷ் வித்யார்த்தி உள்ளிட்ட பலர் இணைந்து நடித்திருந்தனர். விஜய் கபடி விளையாடுபவராக வேலு என்ற கதாபாத்திரத்தில் நடித்த நிலையில் திரிஷா தனலட்சுமி என்றே கேரக்ரில் நடித்திருந்தார்.
திரிஷாவை விரும்பும் மதுரையில் இருக்கும் வில்லன் முத்துப்பாண்டி, அவளை கட்டாய கல்யாணம் பண்ணுவதற்கான எல்லா ஏற்பாடுகளையும் பண்ணுகிறான். அப்போது அங்கு கபடி விளையாடி வரும் ஹீரோ, கதாநாயகியை காப்பாற்றி அங்கிருந்து சென்னை கொண்டு வருகிறது.
இதனையடுத்து ஹீரோவையும், ஹீரோயினையும் தேடி வில்லனான பிரகாஷ் ராஜ் சென்னை வருகிறார். இதன்பிறகு என்ன நடக்கிறது என்பதை தரமான ஆக்ஷன் மசாலாவாக ‘கில்லி’ படத்தில் காட்டியிருந்தார் தரணி.
இப்போது பார்த்தாலும் பிரஸ்ஸாக இருப்பதை போன்று இப்படத்தின் திரைக்கதை அமைக்கப்பட்டு இருந்தது, படத்தின் வெற்றிக்கு முக்கிய காரணமாக அமைந்தது. அத்துடன் ‘கில்லி’ படம் விஜய்யின் திரை வாழ்விலும் வேறலெவல் இடத்தை பிடித்தது. இப்படி பல சிறப்புகளை கொண்டு இப்படம் 20 வருடங்களுக்கு பிறகு 4கே டிஜிட்டல் தரத்தில் தற்போது மீண்டும் ரீ ரிலீஸ் செய்யப்பட்டுள்ளது.
தற்போது பல படங்கள் ரீ ரிலீஸ் செய்யப்பட்டு வரும் நிலையில், அந்த பட்டியலில் தற்போது கில்லியும் இணைந்துள்ளது. சக்திவேல் ஃபிலிம் ஃபேக்டரி நிறுவனம் கிட்டத்தட்ட 500 திரைகளில் இப்படத்தை ரிலீஸ் செய்துள்ளது. புதிய படங்களுக்கு கொடுக்கும் அளவிற்கு வரவேற்பினை தற்போது ‘கில்லி’ படத்திற்கும் ரசிகர்கள் கொடுத்து வருகின்றனர். முதல் நாளிலே மேள தாளத்துடன் இப்படத்திற்கு ரசிகர்கள் பிரம்மாண்ட வரவேற்பை கொடுத்துள்ளனர்.
இந்நிலையில் ‘கில்லி’ படம் முதல் நாளிலே ரூ. 4 கோடிக்கு மேல் வசூலித்துள்ளதாக கூறப்படுகிறது. முன்னதாக இந்தாண்டு வெளியான படங்களில் முதல் நாளில் தனுஷின் ‘கேப்டன் மில்லர்’ ரூ. 5 கோடி வசூலித்திருந்தது. தற்போது ‘கில்லி’ படம் ரீ ரிலீசிலே ‘கேப்டன் மில்லர்’ வசூலை நெருங்கி அசத்தியுள்ளது.
மேலும், தமிழ்நாட்டில் ரீ ரிலீஸ் செய்யப்பட படங்களில் ‘கில்லி’ அதிகபட்சமாக வசூலித்து புதிய சாதனை படைத்துள்ளது குறிப்பிடத்தக்கது.
