சொந்த மண்ணில் படுதோல்வி

வெஸ்ட் இண்டீஸ் அணிக்கு எதிரான கடைசி டி20 போட்டியில் 3 விக்கெட் வித்தியாசத்தில் வெற்றி பெற்று ஆஸ்திரேலிய அணி தொடரை கைப்பற்றியது.

5 போட்டிகள் கொண்ட டி20 தொடரில் கடைசி போட்டி இன்று நடைபெற்றது. இப்போட்டியில் முதலில் விளையாடிய வெஸ்ட் இண்டீஸ் அணி 19.4 ஓவரில் அனைத்து விக்கெட்டுகளை இழந்து 170 ரன்கள் அடித்தது.

இதனையடுத்து 171 ரன்கள் என்ற இலக்குடன் களமிறங்கிய ஆஸ்திரேலியா அணி 17 ஓவரில் 7 விக்கெட் இழப்பிற்கு 173 ரன்கள் அடித்து வெற்றி பெற்றது.

இதன் மூலம் 5 போட்டிகள் கொண்ட டி20 தொடரை 5 – 0 என்ற கணக்கில் ஆஸ்திரேலியா கைப்பற்றியது.

தங்களது சொந்த மண்ணில் முதலில் விளையாடிய 3 டெஸ்ட், அடுத்து விளையாடிய 5 டி20 என அனைத்திலும் வெஸ்ட் இண்டீஸ் அணி படுதோல்வி அடைந்துள்ளது.