மணிரத்னம், கமல் காம்போவில் ‘தக் லைப்’ படம் உருவாகி வருகிறது. கோலிவுட் சினிமாவே பெரிதும் எதிர்பார்க்கும் படைப்பாக தயாராகி வருகிறது இப்படம். இந்நிலையில் ‘தக் லைஃப்’ படத்தின் தரமான அப்டேட் ஒன்றை படக்குழுவினர் வெளியிட்டுள்ளனர்.
கோலிவுட் சினிமாவே பெரிதும் எதிர்பார்க்கு பிரம்மாண்ட படைப்பாக உருவாக வருகிறது ‘தக் லைஃப்’. நீண்ட இடைவேளைக்கு பிறகு தமிழ் திரையுலகின் இரு பெரும் ஜாம்பவான்களான கமல், மணிரத்னம் இணைந்திருப்பதால் ‘தக் லைஃப்’ படம் தரமான சம்பவம் செய்யும் என எதிர்பார்க்கப்படுகிறது. இந்நிலையில் இப்படத்தின் மரண மாஸ் அப்டேட்டை தற்போது படக்குழுவினர் வெளியிட்டுள்ளனர்.
முன்னதாக லோகேஷ் கனகராஜ் இயக்கத்தில் வெளியான ‘விக்ரம்’ படத்தின் வாயிலாக தரமான வெற்றியை பதிவு செய்திருந்தார் கமல். கமர்ஷியல் ரீதியாக மிகப்பெரிய வெற்றியை பெற்ற இப்படம், கமலின் மார்கெட் வேல்யூவை வேறலெவலில் எகிற செய்தது. இதனால் நடிப்பு, தயாரிப்பு, சின்னத்திரை என எல்லா பக்கமும் பிசியாக இயங்கி வந்தார் கமல்.
இந்நிலையில் அண்மையில் இவரது நடிப்பில் ‘இந்தியன் 2’ படம் ரிலீஸ் ஆனது. பிரம்மாண்ட இயக்குனர் ஷங்கர் இயக்கத்தில் உருவாகி வந்த இப்படத்திற்காக கிட்டத்தட்ட 5 வருடங்களுக்கு மேலாக ரசிகர்கள் பெரும் எதிர்பார்ப்புடன் காத்திருந்தனர். பல பிரச்சனைகளுக்கு பின் ஒரு வழியாக சமீபத்தில் கடந்த 12 ஆம் தேதி ரிலீஸ் ஆனது ‘இந்தியன் 2’. ஆனால் இப்படம் ஏகப்பட்ட நெகட்டிவ் விமர்சனங்களை குவித்தது.
பாக்ஸ் ஆபிஸிலும் பெரிய வரவேற்பை பெறவில்லை. இதனையடுத்து கமல் தற்போது நடித்து வரும் ‘தக் லைஃப்’ படத்தினை தான் பெரிதும் நம்பிக்கையுடன் எதிர்பார்த்து காத்திருக்கின்றனர் அவரது ரசிகர்கள். கோலிவுட் திரையுலகினரும் நீண்ட இடைவேளைக்கு பிறகு கமல், மணிரத்னம் காம்போ திரையில் நிகழ்த்த போகும் மாயாஜாலத்தை காண பெரும் எதிர்பார்ப்புடன் காத்திருகின்றனர்.
இந்நிலையில் ‘தக் லைஃப்’ படத்தின் மாஸான அப்டேட் ஒன்றை படக்குழுவினர் வெளியிட்டுள்ளனர். அதாவது இப்படத்திற்கான டப்பிங் பணிகளை உலக நாயகன் துவங்கி விட்டதாக ராஜ் கமல் பிலிம்ஸ் நிறுவனம் வீடியோ ஒன்றை வெளியிட்டு அதிகாரப்பூர்வமாக அறிவித்துள்ளது. இந்த அதிரடியான வீடியோ தற்போது சோஷியல் மீடியாவில் வைரலாகி வருகிறது.
‘இந்தியன் 2’ படத்திற்கு குவிந்த நெகட்டிவ் விமர்சனங்களை எல்லாம் ‘தக் லைஃப்’ சரிக்கட்டும் என உறுதியாக நம்புகின்றனர் ரசிகர்கள். இப்படத்தில் திரிஷா, ஜோஜு ஜார்ஜ், கெளதம் கார்த்திக், விருமாண்டி அபிராமி, ஐஸ்வர்யா லஷ்மி உள்ளிட்ட மிகப்பெரிய நட்சத்திர பட்டாளங்கள் இணைந்து நடிக்கின்றனர். அத்துடன் கமலுடன் இணைந்து முக்கியமான கதாபாத்திரத்தில் நடித்து வருகிறார் சிம்பு. அண்மையில் இவரும் ‘தக் லைஃப்’ படத்திற்கான டப்பிங் பணிகளை துவங்கியது குறிப்பிடத்தக்கது.