விஜய்யின் நடிப்பில் வெங்கட் பிரபுவின் இயக்கத்தில் உருவான GOAT படத்தின் ப்ரோமோஷன் வேலைகள் போய்க்கொண்டிருக்கின்றன. இந்த ப்ரோமோஷன் நிகழ்ச்சியில் பிரேம்ஜி பேசிய விஷயங்கள் ஹைலைட்டாக அமைந்துள்ளன.
விஜய்யின் GOAT திரைப்படம் செப்டம்பர் ஐந்தாம் தேதி திரையில் வெளியாகவுள்ளது. ஏ.ஜி.எஸ் தயாரிப்பில் யுவன் ஷங்கர் ராஜாவின் இசையில் உருவாகியுள்ள இப்படத்தில் பிரஷாந்த், பிரபுதேவா, மோகன் என பலர் நடித்துள்ளனர். மிகப்பெரிய பொறுத்த செலவில் ஹாலிவுட் தரத்திற்கு நிகரான VFX காட்சிகளுடன் இப்படம் உருவாகியுள்ளது. குறிப்பாக விஜய்க்கு டீஏஜிங் செய்து அவரை இளமையான தோற்றத்திற்கு வெங்கட் பிரபு மாற்றியிருக்கிறார்.
விஜய் ஏற்கனவே இளமையாக தான் இருக்கின்றார், அவருக்கு எதற்கு டீஏஜிங் என ரசிகர்கள் ஆரம்பத்தில் கேட்டனர். ஆனால் GOAT படத்தின் ட்ரைலரை பார்த்த பிறகு தான் டீஏஜிங் ஏற்படுத்திய வித்யாசத்தை ரசிகர்கள் பார்த்தனர். அச்சு அசல் விஜய்யை சிறு வயதில் பார்ப்பதை போலவே அந்த டீஏஜிங் லுக் இருந்தது. என்னதான் ஸ்பார்க் பாடலில் விஜய்யின் லுக் கடுமையாக விமர்சிக்கப்பட்டாலும் ட்ரைலரில் டீஏஜிங் செய்யப்பட்ட லுக் வரவேற்பை பெற்றது.
இதுபோன்று GOAT திரைப்படத்தில் பல சுவாரஸ்யமான விஷயங்கள் இருக்கின்றதாம். அதுமட்டுமல்லாமல் படத்தில் நிறைய சர்ப்ரைஸான விஷயங்களும் இடம்பெற்றுள்ளதாம். அதெல்லாம் படம் ரிலீசான பிறகு ரசிகர்களுக்கு தெரிந்தால் தான் அந்த சர்ப்ரைஸ் ஒர்கவுட் ஆகும் என்பதற்காகவே வெங்கட் பிரபு பார்த்து பார்த்து ஊடகங்களுக்கு பேட்டி கொடுத்து வருகின்றார்.
என்னதான் வெங்கட் பிரபுவிடம் இருந்து விஷயங்களை வரவைக்க பல கேள்விகள் கேட்கப்பட்டாலும் அவர் மிகவும் கவனமாகவே பதிலளித்து வருகின்றார். படத்தின் கதை பற்றியும் கதாபாத்திரங்கள் பற்றியும் எந்த ஒரு விஷயத்தையும் வெங்கட் பிரபு லீக் செய்யவில்லை. ஆனால் அவரது சகோதரரும் பிரபல நடிகருமான பிரேம்ஜி GOAT படத்தை பற்றி பல விஷயங்களை போட்டு உடைத்து விட்டார்.
GOAT படம் துவங்கிய ஒரு நிமிடத்திலேயே ரசிகர்களுக்கு மிகப்பெரிய சர்ப்ரைஸ் ஒன்னு இருக்கு என்றார் பிரேம்ஜி. இதுகூட பரவாயில்லை, GOAT படத்தில் அவர் நடிக்கும் கதாபாத்திரம் என்ன, அவர் என்ன வேலை செய்கின்றார் என்பதையெல்லாம் பிரேம்ஜி போட்டு உடைத்துவிட்டார். இதனை பார்த்த ரசிகர்கள், இப்படி கதையையே சொல்லிவிடுகிறாரே என கேட்டு வருகின்றனர்.
மேலும் ஒரு சிலர் பிரேம்ஜி பேசியதை வைத்து மீம் கிரியேட் செய்தும் வருகின்றனர். பிரேம்ஜி இவ்வாறு பேசியதை பார்த்தல் கண்டிப்பாக வெங்கட் பிரபு அவரை கண்டித்திருப்பார் என ரசிகர்கள் மீம் போட்டு வருகின்றனர். வெங்கட் பிரபு மட்டுமல்லாமல் விஜய்யும் பிரேம்ஜிக்கு போன் போட்டு என்னப்பா இப்படி பண்ணிட்ட ? என்றும் கேட்டிருப்பார் என ரசிகர்கள் ஜாலியாக பேசி மீம் போட்டு வருகின்றனர்.