இராணுவத்துக்காக அதிகம் செலவிடும் நாடுகள் பட்டியலில் 5ஆவது இடத்தில் இந்தியா உள்ளது.
சுவீடன் நாட்டைச் சேர்ந்த ஸ்டாக்ஹோம் அனைத்து உலக அமைதி ஆய்வுக் கழகம் (எஸ்ஐபிஆர்ஐ) வெளியிட்டுள்ள அறிக்கையில் கூறியுள்ளதாவது: 2025ஆம் ஆண்டில் இந்தியா தனது இராணுவத் தேவைக்காக 92.1 பில்லியன் அமெரிக்க டொலர்களை செலவிட்டுள்ளது. இது முந்தைய ஆண்டை விட 8.9% அதிகமாகும்.
ஒபரேஷன் சிந்தூர் நடவடிக்கை, எல்லைப் பகுதிகளில் நிலவும் பதற்றம் ஆகியவற்றின் காரணமாக இராணுவத்தை தயார் நிலையில் வைத்திருப்பதை உறுதிப்படுத்த இந்தியா தனது பாதுகாப்புச் செலவுகளை கணிசமாக உயர்த்தியுள்ளது. உலகளாவிய இராணுவச் செலவினங்களில் இந்தியாவின் பங்கு 3.2 சதவீதமாக உள்ளது.
92.1 பில்லியன் அமெரிக்க டொலர்களை 2025இல் செலவிட்டு இந்தப் பட்டியலில் 5ஆம் இடத்தை இந்தியா பிடித்துள்ளது. இந்த வரிசையில் முதலிடத்தில் அமெரிக்காவும், 2ஆவது இடத்தில் சீனாவும், 3ஆவது இடத்தில் ரஷ்யாவும், 4ஆம் இடத்தில் ஜேர்மனியும் உள்ளன. அமெரிக்கா 1,480 பில்லியன் அமெரிக்க டொலர்களையும், சீனா 336 பில்லியன் அமெரிக்க டொலர்களையும் ராணுவத்துக்காக செலவிட்டுள்ளது.
இராணுவத்துக்காக அதிகம் செலவிடும் நாடுகள் பட்டியலில் பாகிஸ்தான் தற்போது 31ஆவது இடத்தில் உள்ளது. இவ்வாறு அந்த அறிக்கையில் கூறப்பட்டுள்ளது.