தமிழ் சினிமாவில் தளபதியாக வலம் வருபவர் தான் விஜய். நாளைய தீர்ப்பு என்ற படத்தின் மூலம் அறிமுகமான விஜய் பல போராட்டங்களையும் அவமானங்களையும் கடந்து இன்று இந்த இடத்தை அடைந்துள்ளார். காதல் படங்களாக நடித்து காதல் நாயகனாக வலம் வந்த விஜய் திருமலை படத்தின் மூலம் ஆக்ஷன் ஹீரோ அவதாரம் எடுத்து இளைய தளபதி என ரசிகர்களால் அன்போடு அழைக்கப்பட்டு வந்தார்.
அதன் பிறகு இன்று தளபதியாக ரசிகர்களின் மனதில் நிலையான இடத்தை பிடித்துள்ளார். இந்நிலையில் தற்போது வெங்கட் பிரபுவின் இயக்கத்தில் GOAT படத்தில் நடித்து வருகின்றார் விஜய். இப்படத்தின் படப்பிடிப்பு தற்போது தான் முடிவடைந்துள்ளது. இதைத்தொடர்ந்து விறுவிறுப்பாக போஸ்ட் ப்ரொடக்ஷன் வேலைகளை நடத்தி முடித்துவிட்டு செப்டம்பர் மாதம் ஐந்தாம் தேதி விநாயகர் சதுர்த்தியை முன்னிட்டு இப்படத்தை வெளியிட படக்குழு முடிவெடுத்துள்ளது.
இதையடுத்து விஜய் தன் கடைசி திரைப்படமான தளபதி 69 திரைப்படத்தில் நடிக்கவுள்ளார். இப்படத்தை இயக்கப்போவது யார் என கடந்த பல மாதங்களாக கேள்விகள் எழுந்து வந்த நிலையில் தற்போது எச்.வினோத் தான் தளபதி 69 படத்தின் இயக்குனர் என முடிவாகியுள்ளது. இதன் அறிவிப்பு விஜய்யின் பிறந்தநாளை முன்னிட்டு வெளியாகவுள்ளதாம்.
இந்நிலையில் விஜய் பல ஹிட் படங்களில் இதுவரை நடித்திருந்தாலும் ஒரு சில ஹிட் படங்களில் நடிக்கும் வாய்ப்பையும் மிஸ் செய்துள்ளார். அதன் பிறகு அப்படங்களில் வேறொரு ஹீரோ நடித்து பிளாக்பஸ்டர் வெற்றியை பெற்றுள்ளது. ஷங்கர் இயக்கத்தில் வெளியான முதல்வன் முதல் லிங்குசாமி இயக்கிய சண்டைக்கோழி வரை பல படங்களை விஜய் மிஸ் செய்துள்ளார்.
அந்த வகையில் சிங்கம் திரைப்படமும் ஒன்று. ஹரியின் இயக்கத்தில் சூர்யா நடிப்பில் 2010 ஆம் ஆண்டு வெளியான திரைப்படம் தான் சிங்கம். இப்படத்தில் விஜய்யை தான் ஹரி நடிக்கவைக்கலாம் என முயற்சித்துள்ளார். ஆனால் அது நடக்காமல் போக பிறகு சூர்யா அப்படத்தில் நடித்தார்.
இதைத்தொடர்ந்து 2010 ஆம் ஆண்டு வெளியான சிங்கம் திரைப்படம் மிகப்பெரிய வெற்றியை பெற்று சூர்யாவிற்கு ஒரு கமர்ஷியல் ஹீரோ என்ற அந்தஸ்தை பெற்று தந்தது. இந்த செய்தியை கேள்விப்பட்ட விஜய் ரசிகர்கள் இப்படி மிஸ் செஞ்சிட்டீங்களே தளபதி என பீல் செய்து வருகின்றனர் என்பது குறிப்பிடத்தக்கது.