விஜய்யின் பிறந்தநாளுக்கு ஒன்று அல்ல இரண்டு ட்ரீட் காத்திருக்கிறது. அதில் ஒரு ட்ரீட் இந்த விஜய்யை எனக்கு பிடிக்கவே பிடிக்காது என்று சொல்பவர்கள் கூட கொண்டாடும் விஷயம் ஆகும். ஆக இந்த பிறந்தநாள் சூப்பர் தான்.
தமிழக வெற்றிக் கழகத்தின் தலைவர் விஜய் வரும் 22ம் தேதி தனது பிறந்தநாளை கொண்டாடவிருக்கிறார். அவர் அரசியலுக்கு வருவதற்கு முன்பே விஜய்யின் ஒவ்வொரு பிறந்தநாளுக்கும் வருங்கால முதல்வரே, தமிழகத்தின் எதிர்காலமே என போஸ்டர் அடித்து ஒட்டுவார்கள் ரசிகர்கள்.
அப்படி இருக்கும்போது தற்போதோ அரசியலுக்கு வந்துவிட்டார். அதனால் இந்த பிறந்தநாளுக்கு போஸ்டர்களில் வாசகங்கள் வேற லெவலில் இருக்கும் என்பதில் சந்தேகம் இல்லை. பழைய படங்களை ரீ ரிலீஸ் செய்யும் டிரெண்டாக உள்ளது.
விஜய்யின் கில்லி படம் ரீ ரிலீஸாகி வசூலில் புது சாதனை படைத்ததை யாராலும் மறக்க முடியாது. இந்நிலையில் தான் விஜய்யின் பிறந்தநாளையொட்டி அவர் நடிப்பில் வெளியாகி வெற்றி பெற்ற இரண்டு படங்களை ஜூன் 21ம் தேதி ரீ ரிலீஸ் செய்கிறார்கள்.
ஏ.ஆர். முருகதாஸ் இயக்கத்தில் ராணுவ வீரராக விஜய் நடித்த துப்பாக்கி படம் ஜூன் 21ம் தேதி மீண்டும் தியேட்டர்களில் ரிலீஸ் செய்யப்படுகிறது. அந்த படத்தை தான் டிவியில் அடிக்கடி போடுறாங்களே என நீங்கள் நினைத்தால், கில்லியும் தான் அடிக்கடி டிவியில் வருகிறது. ஆனால் அதை தியேட்டரில் பார்த்து ரசிகர்கள் கொண்டாடவில்லையா?
அதே போன்று தான் துப்பாக்கியையும் கொண்டாடுவார்கள் என்று நம்பப்படுகிறது. சொல்லப் போனால் கில்லி வசூல் சாதனையை துப்பாக்கி முறியடிக்கும் என ரசிகர்கள் எதிர்பார்க்கிறார்கள். துப்பாக்கி படத்திற்கு ஒரு ஸ்பெஷல் உண்டு. விஜய்யின் ஹேட்டர்ஸ்களுக்கு கூட இந்த படம் பிடிக்கும்.
விஜய் பிடிக்காது தான் ஆனால் துப்பாக்கி விஜய்யை பிடிக்கும் என்பார்கள். அதனால் அனைவருக்கும் பிடித்த துப்பாக்கி படம் நிச்சயம் வசூலை குவிக்கும் என எதிர்பார்க்கப்படுகிறது. மற்றொரு படம் போக்கிரி.
தெலுங்கு படத்தின் ரீமேக்கான போக்கிரியை பிரபுதேவா இயக்கினார். அதில் விஜய்க்கு ஜோடியாக அசின் நடித்திருந்தார். போக்கிரி படமும் விஜய் ரசிகர்களுக்கு மிகவும் பிடித்த படங்களில் ஒன்றாகும்.
இந்த டபுள் ட்ரீட் தவிர்த்து வெங்கட் பிரபு இயக்கத்தில் விஜய் நடித்திருக்கும் கோட் படம் குறித்து அப்டேட் வேறு வரும் என்பது குறிப்பிடத்தக்கது.