அஜித் தற்போது ‘குட் பேட் அக்லி’ படத்தில் நடித்து கொண்டிருக்கிறார். ஆதிக் ரவிச்சந்திரன் இயக்கத்தில் தயாராகி வரும் இப்படத்தின் பர்ஸ்ட் லுக் போஸ்டர் கடந்த சில தினங்களுக்கு முன்பாக வெளியிடப்பட்டு ரசிகர்கள் மத்தியில் அமோகமான வரவேற்பினை பெற்றது.
ஆதிக் ரவிச்சந்திரன் இயக்கத்தில் உருவாகி வரும் அஜித்தின் ‘குட் பேட் அக்லி’ படத்தின் பர்ஸ்ட் லுக் போஸ்டர் புதிய சாதனை படைத்துள்ளது.
அஜித் நடிப்பில் அண்மையில் துவங்கப்பட்டது ‘குட் பேட் அக்லி’ படப்பிடிப்பு. ஆதிக் ரவிச்சந்திரன் இயக்கத்தில் உருவாகி வரும் இப்படத்தின் ஷுட்டிங் தற்போது விறுவிறுப்பாக நடந்து வருகிறது. இதனிடையில் தான் சில தினங்களுக்கு முன்பாக குட் பேட் அக்லியின் அட்டகாசமான பர்ஸ்ட் லுக் போஸ்டர் வெளியானது. இந்த போஸ்டர் தற்போது மிரட்டலான சாதனை ஒன்றை படைத்துள்ளது.
கடந்தாண்டு வெளியான துணிவை தொடர்ந்து ‘விடாமுயற்சி’ படத்தில் நடிக்க கமிட் ஆனார் அஜித். மகிழ் திருமேனி இயக்கத்தில் துவங்கப்பட்ட இப்படத்தின் ஷுட்டிங் பல காரணங்களால் தொடர்ந்து தள்ளிப்போய் கொண்டே இருந்தது. பட அறிவிப்பு வெளியாகி நீண்ட காலம் ஆகியிருந்தாலும், இன்னமும் படப்பிடிப்பு நிறைவடைந்தபாடாக இல்லை.
இதனிடையில் தான் சமீபத்தில் அஜித்தின் ‘ஏகே 63’ படமான ‘குட் பேட் அக்லி’ தொடர்பான அறிவிப்பு வெளியானது. மைத்ரி மூவிஸ் மேக்கர்ஸ் நிறுவன தயாரிப்பில் இப்படம் உருவாகவுள்ளதாக அறிவிக்கப்பட்டது. இதனையடுத்து கடந்த சில தினங்களுக்கு முன்பாக பூஜையுடன் இதன் படப்பிடிப்பு ஆரம்பம் ஆனது.
இதனை முன்னிட்டு பர்ஸ்ட் லுக் போஸ்டர் ஒன்றை வெளியிட்டனர் படக்குழுவினர். அஜித் ஒரே கெட்டப்பில் மூன்று விதமான போஸில் கெத்து காட்டுவதை போன்று இந்த போஸ்டர் வெளியிடப்பட்டது. இதனை ஏகே ரசிகர்கள் இணையத்தில் கொண்டாடி தீர்த்த நிலையில் ‘குட் பேட் அக்லி’ போஸ்டர் புதிய சாதனை செய்துள்ளது. அதன்படி இப்போஸ்டர் 41.5 மில்லியன் பேரால் பார்க்கப்பட்டு இமாலய ரெக்கார்ட்டை படைத்துள்ளது.
இதனை தற்போது சோஷியல் மீடியாவில் கொண்டாடி வருகின்றனர் ஏகே ரசிகர்கள். இதனிடையில் ஜுன் இறுதி வாரத்தில் ‘விடாமுயற்சி’ படப்பிடிப்பை துவங்கும் திட்டத்தில் லைகா நிறுவனம் இருக்கிறது. இதில் முழு படப்பிடிப்பையும் விரைந்து நிறைவு செய்யும் முடிவிலும் படக்குழுவினர் உள்ளனர். இதனையடுத்து வரும் தீபாவளிக்கு ‘விடாமுயற்சி’ படம் ரிலீசாகும் என எதிர்பார்க்கப்படுகிறது. இதனால் ஏகே ரசிகர்கள் கொண்டாட்டத்தில் உள்ளனர்.