கனடாவில் உணவுப் பொருட்களின் விலைகள் தொடர்ச்சியாக உயர்வடைந்து செல்லும் போக்கினை பதிவு செய்துள்ளதாகத் தெரிவிக்கப்படுகின்றது.
எரிபொருள் விலை குறைந்தாலும், உணவுப் பொருட்கள் விலை சற்று அதிகரித்துள்ளன. உணவுப் பொருட்கள் விலையேற்றம் இப்போதும் மொத்தம் செலவிடும் அளவை விட அதிகமாகவே உள்ளது என தெரிவிக்கப்படுகின்றது.
பழங்கள், காய்கறிகள், இறைச்சி உள்ளிட்ட பொருட்களின் விலை உயர்வடைந்து செல்வதாக மக்கள் தெரிவிக்கின்றனர்.
சில பொருட்கள் வேகமாக விலை உயருகிறது எனவும் உதாரணமாக மாட்டிறைச்சி மற்றும் காபி விலை வெகுவாக உயர்ந்துள்ளதாகவும் தெரிவிக்கப்படுகின்றது.
மேலும், அலுமினியம் மீதான வரிகள் விரைவில் டின் உணவுப் பொருட்களின் விலையை உயர்த்தும் என எதிர்பார்க்கப்படுகின்றது.
இதேவேளை, கனடாவிலும் ஆல்பெர்டாவிலும் வாழ்வுச் செலவு கடந்த மாதத்தைவிட குறைவாகவே உயர்ந்தாலும், இந்த நிதிச் சீரமைப்பின் பின்னணியில் உள்ள உண்மை நிலை அவ்வளவு நம்பிக்கை அளிக்கவில்லை என பொருளாதார நிபுணர்கள் எச்சரிக்கின்றனர்.
கனடாவின் பொதுமக்கள் பெறும் பொருட்களின் விலை உயர்வின் அளவு (inflation rate) தற்போது 1.7% ஆகவே உள்ளது – இது கடந்த மாத 2.3% இலிருந்து குறைடைந்துள்ளது.
ஆல்பெர்டாவில் அது 1.5%, இது கடந்த மாத 2% இலிருந்து குறைந்தது. இந்த விலை உயர்வின் வீழ்ச்சிக்கு முக்கிய காரணம் பெட்ரோல் விலை குறைவு எனத் தெரிவிக்கப்படுகின்றது.
பெட்ரோல் விலை கடந்த வருடம் இதே மாதத்துடன் ஒப்பிடுகையில் 18.1% குறைந்துள்ளது, எனக் கூறப்படுகிறது. இது பெரும்பாலும் கனடா அரசு எரிபொருள் மீதான கார்பன் வரியை அகற்றியதால் ஏற்பட்டதாகும் என சுட்டிக்காட்டப்பட்டுள்ளது.
