திபெத்திய பவுத்த தலைவரான 14-வது தலாய் லாமாவின் 90-வது பிறந்தநாள் ஜூலை மாதம் 6-ந் திகதி கொண்டாடப்பட இருக்கிறது.
இந்தநிலையில் தலாய் லாமாவின் பிறந்தநாளை கருணை தினமாக கொண்டாட அறிவிக்கக்கோரி அமெரிக்க பாராளுமன்றத்தில் தீர்மானம் அறிமுகப்படுத்தப்பட்டது.
ஆளும் குடியரசு மற்றும் ஜனநாயக கட்சியை சேர்ந்த எம்.பி.க்கள் கட்சி பாகுபாடின்றி இந்த தீர்மானத்தை முன்மொழிந்தனர்.
இந்த தீர்மானத்திற்கு ஆதரவு தெரிவித்து இரு அவைகளில் உள்ள எம்.பி.கள் வாக்களிக்கும் பட்சத்தில் ஜனாதிபதி டிரம்புக்கு இந்த தீர்மானம் ஒப்புதலுக்கு அனுப்பப்படும்.
தொடர்ந்து தலாய் லாமாவின் பிறந்தநாளான ஜூலை 6-ந் திகதி அமெரிக்காவில் கருணை தினமாக அனுசரிக்கப்படும். இந்த தீர்மானம் வெற்றிப்பெற்று அமல்படுத்தப்பட அதிக வாய்ப்புகள் இருப்பதாக அரசியல் வட்டாரங்கள் தெரிவிக்கின்றன.
