நியூயோர்க் நியூஜெர்சி மைதானத்தில் நடைபெற்ற 2026 பிஃபா உலகக் கோப்பை இறுதிப்போட்டியில், நடப்பு சாம்பியன் அர்ஜென்ரீனாவை 1-0 என்ற கோல் கணக்கில் வீழ்த்தி ஸ்பெய்ன் அணி புதிய உலக சாம்பியனாக மகுடம் சூடியுள்ளது. இதன் மூலம் 2010ஆம் ஆண்டுக்குப் பிறகு ஸ்பெயின் அணி தனது 2ஆவது உலகக் கிண்ண சம்பியன் பட்டத்தைக் கைப்பற்றி சாதனை படைத்துள்ளது.
பரபரப்பாக நடைபெற்ற இந்த இறுதிப்போட்டியின் வழக்கமான 90 நிமிட ஆட்ட நேர முடிவில் இரு அணிகளும் கோல் எதுவும் அடிக்காததால் ஆட்டம் கூடுதல் நேரத்துக்கு சென்றது. கூடுதல் நேரத்தின் 106ஆவது நிமிடத்தில், ஸ்பெயின் அணியின் மாற்று ஆட்டக்காரராகக் களம் புகுந்த ஃபெரான் டோரஸ் பந்தை அர்ஜென்ரீனாவின் வலைக்குள் செலுத்தி ஒட்டுமொத்த மைதானத்தையும் அதிர வைத்தார். அந்த ஒரு கோலே ஸ்பெய்னின் வெற்றிக்குக் காரணமாக அமைந்தது.
அர்ஜென்ரீனா அணியின் கோல்கீப்பரான எமிலியானோ மார்டினெஸ், இந்த போட்டியில் ஸ்பெய்ன் அணியின் கோல் முயற்சிகளைப் பலமுறை சாதுரியமாகத் தடுத்து நிறுத்தினார். ஆட்டத்தின் கூடுதல் நேரம் வரை ஸ்பெய்ன் அணியை கோல் எதுவும் வாங்காமல் வைத்திருந்ததில் இவருக்கு மிக முக்கியப் பங்குண்டு.
முன்னதாக, ஆட்டத்தின் 90+3ஆவது நிமிடத்தில் அர்ஜென்ரீனா அணியின் நடுகள வீரர் என்ஸோ பெர்னாண்டஸ் சிவப்பு அட்டை பெற்று வெளியேற்றப்பட்டதால் அர்ஜென்ரீனா அணி பெரும் பின்னடைவைச் சந்தித்தது.
லியோனல் மெஸ்ஸியின் கடைசி உலகக் கோப்பை போட்டியாகக் கருதப்பட்ட இதில், ஸ்பெய்ன் அணியின் பலமான தற்காப்பு ஆட்டத்தால் அர்ஜெண்டரீனாவால் கோல் எதுவும் பெற முடியாமல் போனது. இதன் மூலம், யூரோ 2024 சாம்பியனான ஸ்பெய்ன், தற்போது உலகக் கிண்ணத்தையுமு் கைப்பற்றி சர்வதேச கால்பந்து உலகின் அசைக்க முடியாத அணியாக உருவெடுத்துள்ளது.
