இந்த ஆண்டின் மிக வலிமையான புயலான சாம்பி புயல் Typhoon Champi மணிக்கு 185 மைல் வேகத்தில் தைவான், சீனா மற்றும் பிலிப்பைன்ஸ் ஆகிய நாடுகளை நோக்கி அதிவேகமாக நகர்ந்து வருகிறது.
இந்நிலையில் தைவானின் மத்திய வானிலை நிர்வாகம் கடல் மற்றும் நிலப்பகுதிகளுக்கான எச்சரிக்கைகளை விடுத்துள்ளது.
இந்த புயல் காரணமாக நாளை மற்றும் நாளை மறுதினம் கனமழை பெய்யும் எனவும், தைவான் கடுமையாக பாதிக்கப்படும் எனவும் தெரிவிக்கப்பட்டுள்ளது.
இதனைத் தொடர்ந்து முன்னெச்சரிக்கைகளை மேற்கொள்ள அந்நாட்டு அரசு நடவடிக்கை எடுத்துள்ளது.
இதற்கமைய பேரிடர் தடுப்பு நடவடிக்கைகள் தீவிரப்படுத்தப்பட்டுள்ளதுடன், தைவானில் சுமார் 125 விமானங்கள் ரத்து செய்யப்பட்டுள்ளன.
மேலும் படகுச் சேவைகள் மற்றும் சுற்றுலாத் தலங்களும் தற்காலிகமாக மூடப்பட்டுள்ளன.
அத்துடன் ஜனாதிபதி லாய் சிங்-தே Lai Ching-te, பொதுமக்கள் எவ்விதத் தாமதமுமின்றி புயலுக்குத் தயாராகுமாறும், கடற்கரை அல்லது மலைப்பகுதிகளுக்குச் செல்வதைத் தவிர்க்குமாறும் அறிவுறுத்தியுள்ளார்.