விக்ரமின் நடிப்பில் பா.ரஞ்சித்தின் இயக்கத்தில் உருவான தங்கலான் திரைப்படம் இன்று திரையில் வெளியாகியுள்ளது. இப்படம் மிகப்பெரிய வெற்றிப்படமாக அமையவேண்டும் என திரையுலகை சேர்ந்த பலரும் தங்களின் வாழ்த்துக்களை தெரிவித்துள்ளனர்.
விக்ரம் நடிப்பில் பா.ரஞ்சித்தின் இயக்கத்தில் தங்கலான் திரைப்படம் உருவாகியுள்ளது. பா.ரஞ்சித் மற்றும் விக்ரம் கூட்டணியில் ஒரு படம் உருவாவதாக கடந்த 2022 ஆம் ஆண்டே அறிவிப்பு வெளியானது. மேலும் இப்படத்தை மிகப்பிரம்மாண்டமான முறையில் ஸ்டூடியோ க்ரீன் ஞானவேல் ராஜா தயாரிப்பதாகவும் அறிவிக்கப்பட்டது.
சார்பட்டா பரம்பரை என்ற மாபெரும் வெற்றிப்படத்திற்கு பிறகு ரஞ்சித் விக்ரமை இயக்கப்போகின்றார் என்றதும் ஒட்டுமொத்த கோலிவுட் வட்டாரமே இப்படத்தை ஆவலாக எதிர்நோக்கி இருந்தது. அதைத்தொடர்ந்து படத்தின் டைட்டில் முதல் ட்ரைலர் வரை அனைத்துமே ரசிகர்களின் அமோகமான வரவேற்பை பெற்றதால் தங்கலான் படத்தின் மீது நாளுக்கு நாள் ரசிகர்களின் எதிர்பார்ப்பு அதிகரித்தது.
இந்நிலையில் இந்தாண்டு ஜனவரி மாதமே தங்கலான் திரைப்படம் வெளியாவதாக இருந்தது. ஆனால் VFX பணிகள் தாமதமானதால் ரிலீஸ் தள்ளிபோய்க்கொண்டே இருந்தது. இதையடுத்து ஒருவழியாக தங்கலான் திரைப்படம் இன்று திரையில் வெளியாகியுள்ளது. படத்திற்கு மிகப்பெரிய ஹைப் இருப்பதால் படத்திற்கான முன்பதிவு அமோகமாக இருந்தது.
எனவே கண்டிப்பாக தங்கலான் திரைப்படத்தின் முதல் நாள் வசூல் சாதனை படைக்கும் என்ற எதிர்பார்ப்பு அனைவருக்கும் இருந்தது. இந்நிலையில் இப்படம் இன்று வெளியாகி பாசிட்டிவான விமர்சனங்களை பெற்று வருகின்றது. படம் பார்த்த அனைவரும் விக்ரமின் நடிப்பையும் ரஞ்சித்தின் இயக்கத்தையும் பாராட்டி வருகின்றனர்.
தங்கலான் உலகத்தரத்தில் உருவான ஒரு தமிழ் சினிமா என பலரும் பாராட்டி வருகின்றனர். இதெல்லாம் ஒருபக்கம் இருக்க தங்கலான் திரைப்படம் வெற்றிபெற வேண்டும் என தமிழ் சினிமாவை சார்ந்த பலரும் தங்களின் விருப்பத்தை தெரிவித்தது ஒட்டுமொத்த தென்னிந்திய சினிமாவையும் ஆச்சர்யத்தில் ஆழ்த்தியது.
எந்த வித போட்டி பொறாமையும் இன்றி விக்ரமின் தங்கலான் திரைப்படம் மாபெரும் வெற்றிபெற வேண்டும் என தமிழ் சினிமாவை சார்ந்த பலரும் பதிவு போட்டுள்ளனர்.சூர்யா ,தனுஷ் உட்பட பல முன்னணி நடிகர்கள் மற்றும் நடிகைகள், இயக்குனர்கள், தயாரிப்பாளர்கள் என பலரும் விக்ரமின் தங்கலான் திரைப்படம் வெற்றிபெற வேண்டும் என மனதார வாழ்த்தியுள்ளனர்.
இதனைப்பார்த்த தமிழ் சினிமா ரசிகர்கள், இது கோலிவுட் இல்ல விக்ரமன் சார் படம் என பேசி வருகின்றனர். விக்ரம் என்ற ஒரு நடிகருக்காகவும், அவரது உழைப்பிற்காகவும் இப்படம் அவருக்கு மிகப்பெரிய வெற்றிப்படமாக அமையவேண்டும் என ரசிகர்கள் உட்பட திரைபிரபலங்கள் பலரும் தங்களின் வாழ்த்துக்களை தெரிவித்து வருவது குறிப்பிடத்தக்கது.