பிரசாந்துக்கு விரைவில் திருமணம் நடக்கவிருக்கிறது என அவரின் தந்தை தியாகராஜன் தெரிவித்துள்ளார். இதையடுத்து பிரசாந்தை திருமணம் செய்து கொள்ளப் போகும் அந்த பெண் யார் என ரசிகர்கள் கேட்டுக் கொண்டிருக்கிறார்கள்.
நடிகர் பிரசாந்துக்கும், கிரகலட்சுமி என்பவருக்கும் கடந்த 2005ம் ஆண்டு திருமணம் நடந்தது. அவர்களுக்கு ஒரு மகன் இருக்கிறார். திருமணமாகி மூன்று ஆண்டுகளில் பிரசாந்தும், கிரகலட்சுமியும் பிரிந்துவிட்டார்கள்.
மனைவியை பிரிந்த பிறகும் சிங்கிளாக இருந்து வருகிறார் பிரசாந்த். இந்நிலையில் பிரசாந்துக்கு விரைவில் திருமணம் நடக்கப் போகிறதாம் என பேச்சு கிளம்பியது. அந்த தகவலை பிரசாந்தின் அப்பா தியாகராஜன் உறுதி செய்துவிட்டார். பிரசாந்தின் திருமணத்திற்கான ஏற்பாடுகள் துவங்கிவிட்டதாக அவர் கூறியிருக்கிறார்.
தன் அப்பாவின் இயக்கத்தில் பிரசாந்த் நடித்த அந்தகன் படம் அண்மையில் வெளியானது. அந்த படத்திற்கு ரசிகர்கள் வரவேற்பு கொடுத்தார்கள். அந்தகன் படத்தில் முக்கிய கதாபாத்திரத்தில் நடித்திருந்தார் கே.எஸ். ரவிக்குமார்.
இந்நிலையில் அந்தகன் படத்தின் சக்சஸ் மீட்டில் பிரசாந்தின் திருமண திட்டம் குறித்து தியாகராஜனிடம் கேட்டார் கே.எஸ். ரவிக்குமார். பெண் பார்த்துக் கொண்டிருக்கிறோம். விரைவில் திருமணம் குறித்த அறிவிப்பை வெளியிடுவோம் என்றார் தியாகராஜன். அதை கேட்டு பிரசாந்த் வெட்கப்பட்டார்.
பெண் பார்ப்பது எல்லாம் சரி, இந்த திருமணமாவது கடைசி வரை நிலைத்து நிற்கும்படி ஒரு பெண்ணை பாருங்கள் என ரசிகர்கள் தெரிவித்துள்ளனர்.
பிரசாந்தின் மகன் அவரின் அம்மாவுடன் வசித்து வருகிறார். இந்நிலையில் பிரசாந்தின் திருமணத்தில் ஜூனியரை பார்க்க ஆசையாக உள்ளது. மகனின் புகைப்படத்தை மறக்காமல் வெளியிடுங்கள் பிரசாந்த் என ரசிகர்கள் கோரிக்கை விடுத்துள்ளனர்.
முன்னதாக பிரசாந்த் மீது புகார் தெரிவித்தார் கிரகலட்சுமி. பிரச்சனையை தீர்க்க பிரசாந்த் முயற்சி செய்தார். ஆனால் விவாகரத்து தான் வேண்டும் என கிரகலட்சுமி உறுதியாக இருந்தார். இதையடுத்தே விவாகரத்து கொடுக்கப்பட்டது.
பிரசாந்துக்கு 51 வயதாகிறது. இத்தனை ஆண்டுகளாக ஏன் மறுமணம் பற்றி யோசிக்கவில்லை பிரசாந்த் என ரசிகர்கள் கேள்வி எழுப்பியுள்ளனர்.
கெரியரை பொறுத்தவரை வெங்கட் பிரபு இயக்கியிருக்கும் கோட் படத்தில் விஜய்யுடன் சேர்ந்து நடித்திருக்கிறார் பிரசாந்த். ட்ரெய்லரில் பிரசாந்தை பார்த்த ரசிகர்கள் சந்தோஷப்பட்டார்கள். படத்தில் பிரசாந்துக்கு ரொமான்டிக் பாடல் இருக்குமா என வெங்கட் பிரபுவிடம் கேட்கப்பட்டது. இது விஜய் சார் படம்.பிரசாந்த் கதாபாத்திரம் வேறு மாதிரியானது. அவருக்கு நான் ரொமான்டிக் சாங் வைத்தால் விஜய் ரசிகர்கள் சும்மா விடுவார்களா என தெரிவித்தார்.