மைதான் பட ப்ரிமீயர் ஷோவில் ப்ரியாமணி இடுப்பில் கை வைத்து புகைப்படங்களுக்கு போஸ் கொடுத்த தயாரிப்பாளர் போனி கபூரை தமிழ் சினிமா ரசிகர்கள் விமர்சித்துக் கொண்டிருக்கிறார்கள். அதே சமயம் இந்தி ரசிகர்கள் போனி கபூருக்கு ஆதரவு தெரிவித்துள்ளனர்.
அமித் ரவீந்தர்நாத் சர்மா இயக்கத்தில் அஜய் தேவ்கன், ப்ரியாமணி உள்ளிட்டோர் நடித்த மைதான் இந்தி படம் ஏப்ரல் 11ம் தேதி ரிலீஸானது. படம் பார்த்த அனைவரும் பாராட்டிக் கொண்டிருக்கிறார்கள். போனி கபூர் தயாரித்த மைதான் படத்தின் ப்ரிமீயர் ஷோ மும்பையில் நடந்தது.
படத்தின் நாயகி ப்ரியாமணி சேலையில் அழகாக வந்திருந்தார். அங்கிருந்த புகைப்படக் கலைஞர்களுக்கு போஸ் கொடுத்தார். அப்பொழுது படத்தின் தயாரிப்பாளரான போனி கபூர் ப்ரியாமணி அருகில் வந்து நின்று புகைப்படங்களுக்கு போஸ் கொடுத்தார்.
போஸ் கொடுத்தபோது ப்ரியாமணி தோளில் கை போட்டார் போனி கபூர். பின்னர் ப்ரியாமணி இடுப்பில் கை வைத்து போஸ் கொடுத்தார். அந்த புகைப்படங்களை பார்த்த தமிழ் சினிமா ரசிகர்கள் போனி கபூரை விளாசுகிறார்கள்.
ஒரு நடிகையின் இடுப்பில் கை வைத்து தான் போஸ் கொடுப்பீங்களோ?. ப்ரியாமணி என்ன செய்வது என்று தெரியாமல் சமாளித்து போஸ் கொடுத்திருக்கிறார். தயாரிப்பாளர் என்றால் நடிகையை கண்ட இடத்தில் தொடலாம் என எந்த சட்டமும் இல்லை போனி கபூர் என தமிழ் சினிமா ரசிகர்கள் தெரிவித்துள்ளனர்.
பாலிவுட் ரசிகர்கள் கூறியிருப்பதாவது, பாலிவுட்டில் இப்படி இடுப்பில் கை வைப்பது சாதாரணமான விஷயம். யாராக இருந்தாலும் நடிகையின் இடுப்பில் கை வைத்து போஸ் கொடுப்பார்கள். போனி கபூர் ஒன்றும் வேண்டுமென்றே ப்ரியாமணி இடுப்பில் கை வைக்கவில்லை. பாலிவுட் பழக்கத்தில் தான் ப்ரியாமணி இடுப்பில் கை வைத்து போஸ் கொடுத்திருக்கிறார். அதை போய் பெரிதாக பேசக் கூடாது என்கிறார்கள்.
முன்னதாக மைதான் படத்தில் அஜய் தேவ்கனுக்கு ஜோடியாக கீர்த்தி சுரேஷ் நடிக்க வேண்டியிருந்தது. அந்த படத்தில் ஒப்பந்தமானதும் தன் உடல் எடையை வெகுவாக குறைத்தார் கீர்த்தி. இதையடுத்து அந்த கதாபாத்திரத்திற்கு கீர்த்தி சரிபட்டு வர மாட்டார் என ப்ரியாமணியை நடிக்க வைத்தார்கள்.
மைதான் படம் மூலம் பாலிவுட் செல்ல வேண்டியவர் கீர்த்தி சுரேஷ். தற்போது அட்லி தயாரித்து வரும் பேபி ஜான் படம் மூலம் பாலிவுட்டில் அறிமுகமாகவிருக்கிறார். அட்லி இயக்கத்தில் விஜய், சமந்தா, ஏமி ஜாக்சன் உள்ளிட்டோர் நடிப்பில் வெளியான தெறி சூப்பர் ஹிட் படத்தை தான் இந்தியில் பேபி ஜான் என்கிற பெயரில் ரீமேக் செய்கிறார்கள்.