ஆஸ்திரேலிய அணி வெஸ்ட் இண்டீசில் சுற்றுப்பயணம் செய்து 3 போட்டிகள் கொண்ட டெஸ்ட் தொடரிலும், 5 போட்டிகள் கொண்ட டி20 தொடரிலும் பங்கேற்று விளையாடி வருகிறது.
முதலில் நடைபெற்ற டெஸ்ட் தொடரில் 3-0 என வெஸ்ட் இண்டீஸ் அணியை ஒயிட்வாஷ் செய்தது ஆஸ்திரேலியா. குறிப்பாக, 3வது டெஸ்ட் போட்டியின் இரண்டாவது இன்னிங்சில் வெஸ்ட் இண்டீஸ் அணி 27 ரன்னுக்கு ஆல் அவுட்டானது கிரிக்கெட் ரசிகர்களை அதிர்ச்சியில் ஆழ்த்தியுள்ளது.
இந்நிலையில், வெஸ்ட் இண்டீஸ் அணி நிர்வாகம் தனது அணியை சீரமைக்கத் தேவையான நடவடிக்கைகளை எடுத்து வருகிறது. அதன் ஒரு பகுதியாக, கிளைவ் லாயிட், விவியன் ரிச்சர்ட்ஸ் மற்றும் பிரையன் லாரா போன்ற ஜாம்பவான்களை அழைத்து ஆலோசனைகளை பெற முடிவு செய்துள்ளது.
இதுதொடர்பாக, வெஸ்ட் இண்டீஸ் அணி நிர்வாக தலைவர் டாக்டர் கிஷோர் ஷாலோ கூறுகையில், அணியின் நலனைக் கருத்தில் கொண்டு மூத்த வீரர்களுக்கு அழைப்பு விடுத்துள்ளோம் என தெரிவித்தார்.
