இறைச்சியை தவிர்ப்பது எடை இழப்புக்கு நன்மை தரும் என்று புதிய ஆராய்ச்சியில் கண்டுபிடிக்கப்பட்டுள்ளது.
சுமார் 4 மாதங்கள் சைவ உணவு உண்டவர்கள், வாரத்திற்கு சுமார் 375 கிராம் என, மொத்தமாக 6 கிலோ எடை இழந்துள்ளதாக அமெரிக்க விஞ்ஞானிகள் கண்டறிந்துள்ளனர்.
இறைச்சி, பால், முட்டைகள் போன்ற விலங்கு உணவுகள், செரிமானத்தின் போது அதிக ‘உணவு அமிலம்’ (dietary acid) உற்பத்தி செய்கின்றன. இது உடலுக்கு வீக்கம் ஏற்படுத்தி, வளர்சிதை மாற்றத்தை பாதித்து எடை அதிகரிப்பிற்கு வழிவகுக்கும் என இந்த ஆய்வை நடத்திய வொஷிங்டனில் உள்ள மருத்துவர்கள் குழுவின் ஊட்டச்சத்து நிபுணர் ஹனா கஹ்லியோவா தெரிவித்துள்ளார்.
62 அதிக எடை கொண்டவர்கள், சைவ உணவு மற்றும் மத்திய தரைக்கடல் உணவுக்கு மாறினார்கள். ஒவ்வொரு உணவுக்கும் 16 வாரங்கள் வழங்கப்பட்டன. சைவ உணவில் இருந்தவர்கள் மட்டும் முக்கியமான எடை இழப்பை கண்டனர்.
சைவ உணவில், இலைக் கீரைகள், ப்ரோக்கோலி, கேரட், பீட் போன்ற காய்கறிகளும், பெர்ரி, ஆப்பிள், செர்ரி போன்ற பழங்களும், பட்டாணி, பருப்பு வகைகள், டோஃபு, தினை, குயினோவா போன்ற தானியங்களும் வழங்கப்பட்டுள்ளது.
எச்சரிக்கை
சைவ உணவுகளைப் பின்பற்றுபவர்கள் வைட்டமின் B12, D, இரும்பு மற்றும் அயோடின் போன்ற ஊட்டச்சத்துக்களை தவிர்க்கும் ஆபத்து உள்ளது.
இதனால் சோர்வு, எலும்பு பிரச்சனை, மனநலக் குறைபாடு, இரத்த சோகை போன்ற பிரச்சனைகள் ஏற்படலாம்.
மேலும், தாவர அடிப்படையிலான பதப்படுத்தப்பட்ட உணவுகள் (processed plant-based meats) – பேக் செய்யும் தொத்திறைச்சிகள், பர்கர்கள் போன்றவை – மிகவும் உப்பும் கொழுப்பும் அதிகமாக உள்ளதால், மாரடைப்பு மற்றும் பக்கவாத அபாயம் அதிகரிக்கக்கூடும் எனவும் மற்றொரு ஆய்வு எச்சரிக்கிறது.
