உலகின் தலைசிறந்த நாடுகள் பட்டியலில் கனடா, ரொப் 10இல் இடம் பிடிக்கவில்லை.
U.S. News & World Report என்னும் அமெரிக்க ஊடக நிறுவனம், ஆண்டுதோறும் உலகின் தலைசிறந்த நாடுகள் பட்டியலை வெளியிட்டுவருகிறது.
2025ஆம் ஆண்டுக்கான உலகின் தலைசிறந்த நாடுகள் பட்டியலில் சுவிட்ஸர்லாந்து முதலாவது இடத்தையும் டென்மார்க் இரண்டாவது இடத்தையும் சுவீடன் மூன்றாவது இடத்தையும் பிடித்துள்ளன.
கனடா 2023ஆம் ஆண்டில் உலகின் தலைசிறந்த நாடுகள் பட்டியலில் இரண்டாவது இடத்திலும், 2024ஆம் ஆண்டில் நான்காவது இடத்திலும் இருந்தது.
ஆனால், 2025ஆம் ஆண்டுக்கான உலகின் தலைசிறந்த நாடுகள் பட்டியலில் கனடா 19ஆவது இடத்துக்கு இறங்கிவிட்டது.
இப்படி நான்காவது இடத்திலிருந்த கனடா 19ஆவது இடத்துக்கு இறங்கக் காரணம், அதன் மோசமான செயல்திறன் அல்ல.
மாறாக, உலகின் தலைசிறந்த நாடுகள் பட்டியலை முடிவு செய்வதற்கான வழிமுறை மாறியதே கனடா கீழிறங்கக் காரணம்.
அதாவது, இதற்கு முன், ஆய்வுகள் அல்லது மக்களிடம் மேற்கொள்ளப்படும் கருத்துக்கணிப்புகளை அடிப்படையாகக் கொண்டு இந்த பட்டியல் தயார் செய்யப்பட்டுவந்தது.
இம்முறையோ, objective statistical indicators என்னும் புள்ளிவிவர குறிகாட்டிகளின் அடிப்படையில் உலகின் தலைசிறந்த நாடுகள் பட்டியல் முடிவு செய்யப்பட்டுள்ளது.
குறிப்பாக, குடிமக்கள் நலன், கலாரம் மற்றும் சுற்றுலா, பொருளாதார மேம்பாடு, ஆளுகை, ஆரோக்கியம், உள்கட்டமைப்பு, இயற்கைச் சூழல், வாய்ப்புகள் முதலான காரணிகளை மதிப்பிடுவதன் மூலம் இந்த பட்டியல் உருவாக்கப்பட்டுள்ளது என்பது குறிப்பிடத்தக்கது.