கனடாவின் ஒன்ராறியோ மாகாணத்தில் மிக அதிக எண்ணிக்கையிலான கோடீஸ்வரக் குடும்பங்கள் வசித்து வருகின்றன என புதிய ஆய்வறிக்கை ஒன்று தெரிவிக்கிறது.
நாட்டின் ஒட்டுமொத்த பில்லியனர் குடும்பங்களில் 44 சதவீதத்தினர் இந்த ஒரு மாகாணத்தில் மட்டுமே வாழ்கின்றனர்.
லாப நோக்கற்ற மற்றும் நடுநிலையான அமைப்பான ‘டாக்ஸ் ஃபேர்னஸ் அமைப்பிற்கான கனடியர்கள்’ இந்த வார தொடக்கத்தில் இந்த அறிக்கையை வெளியிட்டது.
இந்த ஆய்வின்படி, ஒன்ராறியோவில் உள்ள 0.01 சதவீத குடும்பங்கள் சராசரியாக 546 மில்லியன் டொலர் மதிப்பிலான சொத்துக்களைக் கொண்டுள்ளனர். கனடா முழுவதும் குறைந்தது 100 மில்லியன் டொலர் சொத்து மதிப்புடைய 3,380 குடும்பங்கள் உள்ளன. இதில் கிட்டத்தட்ட 1,600 குடும்பங்கள் ஒன்ராறியோவிலேயே வாழ்கின்றன.
பிற மாகாணங்களுடன் ஒப்பிடும்போது செல்வந்தர்களின் சராசரி சொத்து விபரங்கள் வெளியிடப்பட்டுள்ளன.
• ஒன்ராறியோ (Ontario): $546 மில்லியன்
• பிரிட்டிஷ் கொலம்பியா : $501 மில்லியன்
• கியூபெக் : $408 மில்லியன்
• ஆல்பர்ட்டா (Alberta): $393 மில்லியன்
மாகாணத்தில் சொத்துக்கள் ஒருபுறம் குவிந்தாலும், மறுபுறம் வறுமைக்கோட்டின் கீழ் வாழும் 1.9 மில்லியனுக்கும் அதிகமான மக்கள் ஒன்ராறியோவில தான் இருக்கிறார்கள் என்று இந்த அறிக்கை சுட்டிக்காட்டுகிறது.