அண்டி பர்ன்ஹாம் அதிகாரபூர்வமாக பிரித்தானியாவின் புதிய பிரதமராகப் பதவியேற்றப்பின் முதலாவதாக அமெரிக்க ஜனாதிபதி டொனால்ட் ட்ரம்பிற்கு அழைப்பை ஏற்படுத்தியுள்ளார்.
புதிய பிரதமரின் தாராளவாதக் கொள்கைகள் மற்றும் வடகடல் எண்ணெய், எரிவாயு துளையிடும் பணிகளுக்கு அவர் அளிக்கக்கூடிய ஆதரவு குறித்து இதன்போது ட்ரம்ப் கருத்து வெளியிட்டார் என தெரிவிக்கப்பட்டுள்ளது.
ட்ரம்பை தொடர்ந்து ஐரோப்பிய தலைவர்கள், வாழ்த்துக்களை பரிமாறிக்கொண்டதுடன், ஐரோப்பிய ஒன்றியம் – ஐக்கிய இராச்சிய உறவுகள் வலுப்படுத்தப்பட வேண்டும் என்ற தங்கள் விருப்பத்தை வெளிப்படுத்தியுள்ளனர்.
உக்ரைன் அதிபர் வொலோடிமிர் ஜெலென்ஸ்கி, ஆஸ்திரேலியப் பிரதமர் அந்தோனி அல்பானீஸ், பிரான்ஸ் அதிபர் இம்மானுவேல் மக்ரோன், இத்தாலியப் பிரதமர் ஜார்ஜியா மெலோனி மற்றும் ஜெர்மன் அதிபர் ஃபிரெட்ரிக் மெர்ஸ் ஆகியோரும் தங்களது வாழ்த்துக்களைத் தெரிவித்தனர்.
தொடர்ச்சியான ஒத்துழைப்பு, பகிரப்பட்ட விழுமியங்கள் மற்றும் ஐக்கிய இராச்சியத்துடன் இணைந்து உலகளாவிய சவால்களை எதிர்கொள்வதன் முக்கியத்துவத்தை சர்வதேசத் தலைவர்கள் எடுத்துரைத்துள்ளனர்.