ரங்கனிகா ஏரியில் தன்சானியாவில் இருந்து கொங்கோ சென்ற படகு கவிழ்ந்ததில், குறைந்தது 41 பேர் உயிரிழந்தனர் என உள்ளூர் அதிகாரிகள் தெரிவித்தனர்.
அப்படகில் சுமார் 100 பயணிகளும் சரக்குகளும் இருந்ததாக ரங்கனிகா மாகாணத்தின் போக்குவரத்து அமைச்சர் நோரிஸ் முலோங்கோயி கூறினார்.
மேலும் 49 பேர் மீட்கப்பட்டுள்ளனர் எனவும் மீதமுள்ள பயணிகளை தேடும் பணி நடைபெற்று வருவதாகவும் அவர் தெரிவித்தார்.
“தன்சானியாவின் கிகோமா நகரில் இருந்து கொங்கோவின் ரங்கனியா மாகாணத்தில் உள்ள கலெமி நகருக்கு சென்றுகொண்டிருந்த அந்த படகு, மபேரா கிராமத்திற்கு அருகே கவிழ்ந்தது,” என்று முலோங்கோயி, ‘அசோசியேட்டட் பிரஸ்’ செய்தி நிறுவனத்திடம் கூறினார்.
ரங்கனிகா ஏரி உலகின் மிகப்பெரிய நன்னீர் ஏரியாகவும், பைக்கால் ஏரிக்கு அடுத்தபடியாக உலகின் இரண்டாவது ஆழமான ஏரியாகவும் விளங்குகிறது.
வியாழக்கிழமை நடந்த இந்தத் துயரச் சம்பவத்திற்கான காரணம் உடனடியாக தெரியவரவில்லை. இருப்பினும், சமீபத்திய ஆண்டுகளில் கொங்கோவில் நடந்த படகு விபத்துகளில் நூற்றுக்கணக்கானோர் உயிரிழந்துள்ளனர்.