யாழ்ப்பாணம் – கொக்குவில் பிரம்படிப் பகுதியில் இந்திய இராணுவத்தால் படுகொலை செய்யப்பட்ட 50இற்கும் மேற்பட்ட பொதுமக்களின் 39ஆம் ஆண்டு நினைவேந்தல் நிகழ்வு பிரம்படியிலுள்ள நினைவுத் தூபியில் இன்று (12) இடம்பெற்றது.
இதன்போது படுகொலை செய்யப்பட்ட மாணவர்கள் உட்பட 50 இற்கும் மேற்பட்ட பொதுமக்கள் நினைவாக சுடர் ஏற்றி மலர்தூபி அஞ்சலி செலுத்தப்பட்டது.
இந்த நிகழ்வில் சிவகுரு ஆதீன குரு முதல்வர் வேலன் சுவாமிகள், முன்னாள் நாடாளுமன்ற உறுப்பினர் ஈ. சரவணபவன், யாழ் மாநகர முன்னாள் மேயர் வி.மணிவண்ணன், யாழ் மாநகர சபை உறுப்பினர்கள் மற்றும் படுகொலை செய்யப்பட்டவர்களின் உறவினர்கள் என பலரும் கலந்து கொண்டு அஞ்சலி செலுத்தினர்.
கொக்குவில் பிரம்படிப் பகுதியில், 1987ஆம் ஆண்டு ஒக்ரொபர் 11 மற்றும் 12ஆம் திகதிகளில் இந்திய இராணுவத்தால் பல்கலைக்கழக மாணவர்கள், பாடசாலை மாணவர்கள் உட்பட 50 இற்கும் மேற்பட்ட பொதுமக்கள் படுகொலை செய்யப்பட்டிருந்தமை குறிப்பிடத்தக்கது.