அஜித் நடிப்பில் ஆதிக் ரவிச்சந்திரன் இயக்கத்தில் உருவாகி வரும் திரைப்படம் தான் குட் பேட் அக்லி. இப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இப்படத்தில் அஜித்தின் கதாபாத்திரம் பற்றிய தகவல் தற்போது கிடைத்துள்ளது.
அஜித் குமார் தற்போது தான் மகிழ் திருமேனியின் இயக்கத்தில் விடாமுயற்சி திரைப்படத்தில் நடித்து முடித்தார். லைக்காவின் தயாரிப்பில் அனிருத்தின் இசையில் உருவாகியிருக்கும் இப்படத்தில் த்ரிஷா, அர்ஜுன், ஆரவ் என பலர் நடித்துள்ளனர். ஹாலிவுட் தரத்தில் உருவாகியிருக்கும் ஒரு ஆக்ஷன் திரில்லர் படமான விடாமுயற்சி அக்டோபர் மாதம் திரையில் வெளியாகும் என எதிர்பார்க்கப்படுகின்றது.
பல இழுபறிக்கு பிறகு ஒருவழியாக விடாமுயற்சி படப்பிடிப்பு முடிவடைந்திருப்பது அஜித் ரசிகர்களுக்கு ஆறுதல் தரும் செய்தியாக உள்ளது. இடையில் விடாமுயற்சி திரைப்படம் கிடப்பில் போடப்பட இருப்பதாகவெல்லாம் வதந்திகள் பரவின. இது அஜித் ரசிகர்களை அப்சட்டாக்கியது. இருப்பினும் அந்த வதந்திகளுக்கு எல்லாம் முற்றுப்புள்ளி வைக்கும் வகையில் தற்போது விடாமுயற்சி திரைப்படத்தின் படப்பிடிப்பு முடிவிற்கு வந்துள்ளது.
இப்படத்தை முடித்த கையோடு அஜித் குட் பேட் அக்லி படப்பிடிப்பில் இணைந்துள்ளார். ஆதிக் ரவிச்சந்திரனின் இயக்கத்தில் வித்யாசமான ஜானரில் உருவாகும் திரைப்படம் தான் குட் பேட் அக்லி. இப்படத்தின் முதல்கட்ட படப்பிடிப்பு கடந்த ஜூன் மாதம் நடைபெற்று முடிந்த நிலையில் தற்போது இரண்டாம் கட்ட படப்பிடிப்பு ஹைதராபாத்தில் விறுவிறுப்பாக நடைபெற்று வருகின்றது.
இதுவரை வெளியான அஜித்தின் படங்களிலேயே முற்றிலும் வித்யாசமான ஒரு படமாக குட் பேட் அக்லி இருக்கும் என எதிர்பார்க்கப்படுகின்றது. இப்படத்தின் போஸ்டர் என்னதான் சில சர்ச்சைகளை உண்டாக்கினாலும் இளம் ரசிகர்கள் மத்தியில் மிகவும் வைரலானது. மேலும் குட் பேட் அக்லி திரைப்படத்தில் அஜித் மூன்று கதாபாத்திரங்களில் நடிப்பதாகவும் தகவல்கள் வந்தன.
இதையடுத்து அஜித் ரசிகர்கள், வரலாறு படத்திற்கு பிறகு குட் பேட் அக்லி திரைப்படத்தில் தான் அஜித் மூன்று ரோலில் நடிப்பதாக பேசி வந்தனர். ஆனால் தற்போது வந்த தகவலின் படி அஜித் குட் பேட் அக்லி படத்தில் ட்ரிபிள் ஆக்ஷனில் நடிக்கவில்லையாம். சிங்கிள் ஆக்ஷனில் தான் நடிக்கிறாராம். மேலும் இதுதான் குட் பேட் அக்லி படத்தின் ட்விஸ்ட்டாக இருக்கும் என்றும் தகவல்கள் வருகின்றன.
படத்தின் போஸ்ட்டரை பார்க்கும்போது இப்படத்தில் அஜித் ட்ரிபிள் ஆக்ஷனில் நடிப்பதாகத்தான் பலர் கருதினார்கள். ஆனால் தற்போது ட்ரிபிள் ஆக்ஷனில் அஜித் நடிக்கவில்லை சிங்கிள் ஆக்ஷன் தான் என சொல்கின்றனர். மேலும் மார்க் ஆண்டனி படத்தை போல குட் பேட் அக்லி திரைப்படம் பேண்டஸி கலந்த படமாகவும் இருக்கும் என சொல்லப்படுகின்றது. ஆனால் இவையெல்லாம் எந்தளவிற்கு உண்மையாக இருக்கும் என தெரியவில்லை.
இருப்பினும் குட் பேட் அக்லி திரைப்படம் கண்டிப்பாக அஜித் ரசிகர்களுக்கு வித்யாசமான ஒரு அனுபவத்தை கொடுக்கும் என்று மட்டும் உறுதியாக நம்பப்படுகின்றது. இந்நிலையில் இப்படத்தின் படப்பிடிப்பு நினைத்ததை விட வேகமாக நடைபெற்று வருகின்றதாம். எனவே சொன்னபடி குட் பேட் அக்லி திரைப்படம் அடுத்தாண்டு பொங்கல் பண்டிகையை முன்னிட்டு வெளியிடப்படும் என தெரிவது குறிப்பிடத்தக்கது.