இந்திய கிரிக்கெட் அணியின் நட்சத்திர சுழற்பந்து வீச்சாளராக திகழ்ந்தவர் அஸ்வின்.
தமிழகத்தை சேர்ந்த அஸ்வின், பிரிஸ்பேனில் நடைபெற்ற இந்தியா- ஆஸ்திரேலியா இடையிலான 3-வது டெஸ்ட் போட்டி டிரா ஆனதும், ரசிகர்கள் அதிர்ச்சி அடையும் வகையில் சர்வதேச கிரிக்கெட்டில் இருந்து ஓய்வு பெறுவதாக அறிவித்தார்.
ஓய்வு பெற்ற அஸ்வின் வீரர்கள் அறையில் கடைசியாக உணர்ச்சிவசப்படும் வகையில் சக வீரர்களுடன் பேசினார்.
அப்போது அஸ்வின் கூறியதாவது:-
உண்மையைச் சொன்னால், குழு கூட்டத்தில் பேசுவது எளிது. நான் அதை வெளிப்படுத்தவில்லை என்றாலும், இது மிகவும் உணர்ச்சிவசப்பட்ட தருணம். ரோகித் சர்மாவுக்கு நன்றி, விராட் கோலிக்கு நன்றி, கவுதம் கம்பீருக்கு நன்றி. இன்று நான் மிகவும் மகிழ்ச்சியாக உள்ளேன்.
இதையும் படியுங்கள்: ஐசிசி டெஸ்ட் தரவரிசை: மீண்டும் முதலிடத்திற்கு முன்னேறிய ஜோ ரூட்
இந்த தொடரில் விளையாடுவதற்காக முதன்முறையாக ஆஸ்திரேலியாவுக்கு வந்துள்ளதாக உணர்கிறேன். எல்லா மாற்றங்களையும் நான் பார்த்துள்ளேன். ராகுல் டிராவிட் அணியில் இருந்து விடைபெற்றுள்ளார். சச்சின் தெண்டுல்கர் விடைபெற்றுள்ளார்.
நான் சொல்வது உண்மை தோழர்களே, ஒவ்வொருவருக்கும் நேரம் வரும். இது உண்மையான என்னுடைய நேரம். நான் இதை முழுமையாக ரசித்தேன். நான் சிறந்த நட்பை கட்டமைத்தேன். குறிப்பான கடந்த 4 முதல் 5 வருடங்களில். அன்புடன் விளையாடி வரும் என்னுடைய சில சக வீரர்களை விட்டுச் செல்கிறேன்.
கடந்த நான்கு ஆண்டுகளில் கடந்து செல்லும் ஒவ்வொரு தருணத்திலும், அவர்களின் உறவை நான் எவ்வளவு மதிக்கிறேன் என்பதையும், ஒரு வீரராக அவர்களை எவ்வளவு மதிக்கிறேன் என்பதையும் உணர்ந்திருக்கிறேன். எனக்கு ஒரு நல்ல நேரம் கிடைத்துள்ளது.
இவ்வாறு அஸ்வின் தெரிவித்துள்ளார்.
மேலும், நான் வீடு திரும்ப விமானத்தில் செல்வேன். ஆனால் மெல்போர்னில் நீங்கள் எவ்வளவு சிறப்பாகச் செயல்படுகிறீர்கள் என்பதைப் பார்க்க நான் காத்திருப்பேன். உங்கள் ஒவ்வொரு நிகழ்ச்சியையும் நான் ஆவலுடன் எதிர்நோக்குகிறேன் எனவும் குறிப்பிட்டுள்ளார்.
