கடுமையான வானிலைக்கு மத்தியில் நியூ சவுத் வேல்ஸின் மத்திய வடக்கு கடற்கரையில் வெள்ளம் சூழ்ந்த வீட்டில் ஒரு ஆணின் சடலம் கண்டெடுக்கப்பட்டுள்ளது.
மோட்டோவில் உள்ள வடக்கு மோட்டோ சாலையில் உள்ள ஒரு நிலத்தில் 63 வயதுடையவரின் உடல் கண்டெடுக்கப்பட்டதாக தெரிவிக்கப்பட்டது.
தொடர்ந்து பெய்து வரும் கனமழையால் பல்லாயிரக்கணக்கான மக்கள் சிக்கித் தவிப்பதாகவும், நூற்றுக்கணக்கானோர் வெள்ளத்தில் இருந்து மீட்கப்பட்டதாகவும் அதிகாரிகள் தெரிவித்தனர்.
சமீபத்தில் பெய்த கனமழையின் தாக்கத்தால் ஆறுகளும் நிரம்பி வழிகின்றன.
அடுத்த 24 மணி நேரத்திற்குள் மேலும் 200-300 மில்லி மீற்றர் மழை பெய்யக்கூடும் என்று வானிலை ஆய்வு மையம் எச்சரித்துள்ளது.
நேற்று இரவு சுமார் 115 எச்சரிக்கைகள் அமலில் இருந்தன, மேலும் வெள்ளம் ஏற்படக்கூடிய பகுதிகளில் வசிப்பவர்கள் முடிந்தால் உயரமான இடங்களுக்கு வெளியேறுமாறு வானிலை ஆய்வு மையம் வலியுறுத்தியது.
மீட்புப் பணிகள் மிகவும் கடினமானவை மற்றும் ஆபத்தானவை என்பதால், எச்சரிக்கைகளைக் கவனத்தில் கொள்வது முக்கியம் என்றும் வானிலை ஆய்வு மையம் அறிவுறுத்துகிறது.
