19 வயதில் பட வாய்ப்பு தருவதாக இயக்குநர் ஒருவர் அழைத்து தன்னிடம் மோசமாக நடந்து கொண்டதாக இந்தி டிவி சீரியல் நடிகை ஸ்ரீஜிதா டே தெரிவித்துள்ளார். அந்த சம்பவத்தை தற்போது நினைத்தாலும் அருவெறுப்பாக இருக்கிறது என்கிறார் அவர்.
இந்தி தொலைக்காட்சி தொடர்களில் நடித்து வருபவர் ஸ்ரீஜிதா டே. சீரியல்கள் தவிர்த்து இந்தி படங்கள், வெப் தொடர்களிலும் நடித்திருக்கிறார். பாலிவுட் சூப்பர் ஸ்டார் சல்மான் கான் தொகுத்து வழங்கிய இந்தி பிக் பாஸ் நிகழ்ச்சியின் 16வது சீசனில் கலந்து கொண்டார் ஸ்ரீஜிதா.
இந்நிலையில் பட வாய்ப்புக்காக தன்னை படுக்கை அழைத்ததாக பேட்டி ஒன்றில் தெரிவித்துள்ளார் ஸ்ரீஜிதா.
அந்த பேட்டியில் ஸ்ரீஜிதா கூறியிருப்பதாவது..,
எனக்கு 19 வயது இருந்தபோது பெங்காலி படம் ஒன்றில் நடிக்க வாய்ப்பு கிடைத்தது. இந்தி படத்தை பெங்காலியில் ரீமேக் செய்தார்கள். அந்த படம் தொடர்பாக என்னை அழைத்தார்கள். என் அம்மா கொல்கத்தாவில் இருந்தார். அந்த இயக்குநரின் அலுவலகத்திற்கு நான் தனியாக சென்றேன்.
அவர் என் தோள்களை தொட்ட விதமும் சரி, பேசிய விதமும் சரி எனக்கு பிடிக்கவில்லை. அந்த இயக்குநர் வயதானவர். இருந்தாலும் குட் டச், பேட் டச் பற்றி எனக்கு அப்பொழுதே தெரியும். அவர் தொட்டது பேட் டச் தான்.
அந்த இயக்குநர் என்னை பார்த்த விதமே அருவெறுப்பாக இருந்தது. உடனே அங்கிருந்து கிளம்பி வந்துவிட்டேன். எப்படித் தான் இது போன்று நடந்து கொள்கிறார்களோ என வியப்பாக உள்ளது என்றார்.
பட வாய்ப்புக்காக வரச் சொல்லி மோசமான அனுபவத்தை எதிர்கொண்ட முதல் நடிகை ஸ்ரீஜிதா டே இல்லை. இந்தி தொலைக்காட்சி தொடர்களில் நடித்து வரும் அங்கிதா லோகந்தேவும் அண்மையில் இது குறித்து பேசியிருந்தார். தனக்கு 19 வயது இருந்தபோது தென்னிந்திய படம் ஒன்றில் நடிக்க படுக்கைக்கு அழைத்தார்கள். அப்படி ஒன்றும் படுக்கைக்கு போய் படத்தில் நடிக்க வேண்டிய அவசியம் இல்லை என்று சொல்லிவிட்டேன் என தெரிவித்தார் அங்கிதா.
இந்நிலையில் ஸ்ரீஜிதா தனக்கு நடந்த அருவெறுப்பான அனுபவம் பற்றி பேசியிருக்கிறார். ஸ்ரீஜிதாவை அடுத்து யார் மனம் திறந்து பேசப் போகிறார்களோ என்கிறார்கள் ரசிகர்கள்.
தனிப்பட்ட வாழ்க்கையை பொறுத்தவரை தன் நீண்ட கால காதலரான Michael Blohm-Pape-ஐ கடந்த 2023ம் ஆண்டு ஜூலை மாதம் 1 ஆம் திகதி திருமணம் செய்து கொண்டார்.
ஜெர்மனியில் இருக்கும் தேவலாயம் ஒன்றில் வைத்து ஸ்ரீஜிதா, மைக்கேலின் திருமணம் நடந்தது என்பது குறிப்பிடத்தக்கது.