உக்ரைனுக்கு எதிரான ரஷிய படையெடுப்பு 2 ஆண்டுகளை கடந்தும் தொடர்ந்து நீடித்து வரும் நிலையில் நேற்று, ரஷ்யாவின் 3 ஏவுகணைகள் உக்ரைனின் செர்னிகிவ் நகர் மீது அதிரடியாக தாக்குதல் நடத்தியதில், பொதுமக்களில் 17 பேர் உயிரிழந்தனர்.
இந்த தாக்குதலில், 3 குழந்தைகள் உட்பட 60 பேர் காயமடைந்தனர்.
மேலும், தாக்குதலில் 8 அடுக்குமாடிகளை கொண்ட ஹோட்டல் உட்பட 10க்கும் மேற்பட்ட கட்டிடங்களும் சேதமடைந்துள்ளன.
பெலாரஸ் நாட்டின் எல்லையையொட்டிய செர்னிகிவ் பகுதியில், ரஷ்ய படையெடுப்பின்போது தொடக்கத்தில், படையினர் ஆக்கிரமித்தபோதும், பின்னர் 2 ஆண்டுகளாக அந்த பகுதியில் மோதல் நடைபெறாமல் இருந்த நிலையில், இந்த தாக்குதல் நடத்தப்பட்டுள்ளமை குறிப்பிடத்தக்கது.