காரின் மீது கொள்கலன் விழுந்ததில் தந்தையும் மகளும் நசியுண்டு மரணம்!

மலேசியாவின் செப்பாங்கர் துறைமுகம் அருகே, கடந்த ஞாயிற்றுக்கிழமை மாலை சரக்குக் கொள்கலன் (கொன்ரெய்னர்) ஒன்று காரின் மீது விழுந்ததில், அதில் பயணித்த தந்தையும் மகளும் பரிதாபமாக உயிரிழந்தனர்.

53 வயதான தந்தை, தனது 24 வயது மகளை அவர் பணிபுரியும் இடத்திலிருந்து அழைத்துக்கொண்டு வீடு திரும்பிக்கொண்டிருந்தபோது, ​​மாலை 6.20 மணியளவில் இந்த துயரச் சம்பவம் நிகழ்ந்தது.

கோத்தா கினபாலு மாவட்ட காவல்துறைத் தலைவர் ஏ.சி.பி. ஷாருதின் மாட் ஹுசைன் தெரிவிக்கும் தகவலின்படி, சாலையோரத்தில் பணி நடந்துகொண்டிருந்தபோது, ​​சரக்குக் கொள்கலனை ஏற்றிச் சென்ற கிரேன் ஒன்று கவிழ்ந்ததில், அவ்வழியே சென்ற பாதிக்கப்பட்டவர்களின் கார் அதன் அடியில் சிக்கிக்கொண்டது.

தீயணைப்புப் படையினர் இரவு 9.55 மணியளவில், நசுங்கிய காரிலிருந்து இருவரையும் மீட்டனர். சம்பவ இடத்திற்கு வந்த மருத்துவ அதிகாரிகள், இரவு 9.58 மணியளவில் அவர்கள் இருவரும் உயிரிழந்துவிட்டதை உறுதிப்படுத்தினர்.

அவர்களது உடல்கள் பிரேதப் பரிசோதனைக்காக குயின் எலிசபெத் மருத்துவமனைக்கு அனுப்பி வைக்கப்பட்டன. இந்தச் சம்பவம் தொடர்பாக, 1987-ஆம் ஆண்டு சாலைப் போக்குவரத்துச் சட்டத்தின் கீழ் விசாரணைக்கு உதவுவதற்காக, 49 வயது லொறி ஓட்டுநர் ஒருவரை காவல்துறையினர் கைது செய்துள்ளனர்.