இலங்கை பொதுஜன பெரமுன (SLPP) நாடாளுமன்ற உறுப்பினர் நாமல் ராஜபக்ஷவின் தனிப்பட்ட செயலாளரான சஞ்சய சமரசிங்க, இலஞ்ச ஊழல் ஒழிப்பு ஆணைக்குழுவினால் (CIABOC) கைது செய்யப்பட்டுள்ளார்.
இன்று (19) வாக்குமூலம் அளிப்பதற்காக ஆணைக்குழுவிற்கு வருகை தந்தபோதே அவர் கைது செய்யப்பட்டார்.
சமீபத்தில், இலஞ்ச ஊழல் ஒழிப்பு ஆணைக்குழுவின் அதிகாரிகள், கல்கிசையில் (Mount Lavinia) அமைந்துள்ள சஞ்சய சமரசிங்கவிற்குச் சொந்தமான இல்லம் ஒன்றில் திடீர் சோதனை நடத்தினர்.
இந்தச் சோதனையின்போது, அங்கு கண்டெடுக்கப்பட்ட பாதுகாப்புப் பெட்டி (safe) ஒன்றை அதிகாரிகள் தங்கள் பொறுப்பில் எடுத்துக்கொண்டதாகவும் அறிவிக்கப்பட்டுள்ளது.