இந்த ஆண்டின் இறுதிக்குள் 24 கரட் தங்கத்தினால் அலங்கரிக்கப்பட்ட நடைபாதையை திறக்க டுபாய் இலக்கு வைத்துள்ளது.
சுற்றுலா அனுபவதை மேம்படுத்தும் நோக்கில் இந்த திட்டம் நிர்மாணிக்கப்படவுள்ளதாக கூறப்படுகிறது.
‘கல்ஃப் டுடே’ (Gulf Today) செய்தி நிறுவனம் வெளியிட்டுள்ள தகவலின்படி, துபாய் கோல்ட் டிஸ்ட்ரிக்ட் (Dubai Gold District) இந்தத் திட்டம் உலகிலேயே முதன்மையானதாகவும், மிக நீளமான தங்க நடைபாதையாகவும் இருக்கும் என்று தெரிவிக்கப்பட்டுள்ளது.
இந்த நடைபாதை அடுத்த இரண்டு மாதங்களுக்குள் திறக்கப்படும் என்று எதிர்பார்க்கப்படுவதாக டுபாய் கோல்ட் டிஸ்ட்ரிக்ட்டின் வணிகப் பிரிவின் மூத்த இயக்குநர் ரஷித் அல் ஹர்முதி தெரிவித்துள்ளார்.
இந்தத் திட்டம் பார்வையாளர்களுக்கு ஒரு தனித்துவமான அனுபவத்தை வழங்குவதோடு, தங்க வர்த்தகம் மற்றும் சுற்றுலாவுக்கான உலகளாவிய மையமாக டுபாயின் நிலையை மேலும் வலுப்படுத்தும் எனவும் நம்பிக்கை வெளியிடப்பட்டுள்ளது.