அஜித்தின் ‘ஏகே 63’ படம் குறித்த அறிவிப்பு நேற்று மாலை வெளியானது. ஆதிக் ரவிச்சந்திரன் இயக்கத்தில் அஜித் நடிப்பில் உருவாகவுள்ள இப்படத்திற்கு ‘குட் பேட் அக்லி’ என டைட்டில் வைக்கப்பட்டுள்ளது.
இந்நிலையில் இந்த தலைப்பிற்காக தனது 22 ஆண்டுக்கால கொள்கையை அஜித் தளர்த்தியுள்ளதை இணையத்தில் ஆச்சரியத்துடன் ரசிகர்கள் பேசி வருகின்றனர்.
‘விடாமுயற்சி’ அப்டேட்டிற்காக தவமாய் தவம் கிடந்த ரசிகர்களுக்கு, அஜித்தின் அடுத்த படம் குறித்த அறிவிப்பு வெளியாகி ஏகே ரசிகர்களை கொண்டாட வைத்து வருகிறது. நேற்றைய தினம் யாரும் எதிர்பார்க்காத வண்ணம் அஜித்தின் ‘குட் பேட் அக்லி’ படம் தொடர்பான அறிவிப்பு டைட்டிலுடன் வெளியானது. இதனை தற்போது இணையத்தில் டிரெண்ட் செய்து வருகின்றனர் ரசிகர்கள்.
அஜித் தற்போது ‘விடாமுயற்சி’ படத்தில் நடித்து வருகிறார். மகிழ் திருமேனி இயக்கத்தில் உருவாகும் இதன் படப்பிடிப்பு கடந்த சில மாதங்களாகவே மும்முரமாக நடந்து வருகிறது. விடாமுயற்சியின் டைட்டிலுடன் படம் தொடர்பான எந்த அப்டேட்யும் வெளியாகவில்லை. இதனால் ரசிகர்கள் கடுமையான அப்செட் அடைந்தனர். மேலும், இணையத்தில் ‘விடாமுயற்சி’ பட அப்டேட்டை தொடர்ச்சியாக கேட்டும் வந்தனர்.
இந்நிலையில் தான் நேற்றைய தினம் அஜித்தின் ‘ஏகே 63’ படம் தொடர்பான அதிகாரப்பூர்வ அறிவிப்பு வெளியிடப்பட்டுள்ளது. அதன்படி ஆதிக் ரவிச்சந்திரன் இயக்கத்தில் உருவாகும் இப்படத்திற்கு ‘குட் பேட் அக்லி’ என டைட்டில் வைக்கப்பட்டுள்ளது.
மேலும், தேவி ஸ்ரீ பிரசாத் இசையமைக்கிறார். மைத்ரி மூவிஸ் நிறுவனம் தயாரிக்கும் இப்படத்தை அடுத்தாண்டு பொங்கலுக்கு ரிலீசாகும் எனவும் அறிவிக்கப்படுகிறது.
இந்நிலையில் ‘குட் பேட் அக்லி’ டைட்டில் குறித்து ஒரு தகவல் இணையத்தில் பலரின் கவனத்தை ஈர்த்து வருகிறது. அதாவது அஜித் படத்துக்கு கடந்த 22 ஆண்டுகளுக்கு முன்பாக தான் ஆங்கிலத்தில் டைட்டில் வைக்கப்பட்டுள்ளது. முன்னதாக 2002 ஆம் ஆண்டு ரிலீசான வில்லன், ரெட் ஆகிய படங்களுக்கு தான் கடைசியாக ஆங்கிலத்தில் டைட்டில் வைத்துள்ளனர்.
இதனையடுத்து ரிலீசான படங்களுக்கு எல்லாம் தமிழிலே டைட்டில் வைத்து ஆங்கில் தலைப்பை தவிர்த்து வந்துள்ளார் அஜித்.
இந்நிலையில் தற்போது ‘குட் பேட் அக்லி’ படத்திற்கு ஆங்கிலத்தில் டைட்டில் வைக்கப்பட்டுள்ளது பலரின் கவனத்தை ஈர்த்து வருகிறது. டைட்டிலிலே தனது 22 வருட கொள்கையை அஜித் தளர்த்தியுள்ளதால் கண்டிப்பாக படமும் அஜித்தின் வழக்கமான ஸ்டைலில் இருந்து வேறொரு ஜானரில் இருக்கும் வேறுபட்டு இருக்கும் என எதிர்பார்க்கப்படுகிறது.
‘திரிஷா இல்லன்னா நயன்தாரா’ படம் மூலமாக இயக்குனரான அறிமுகமான ஆதிக் ரவிச்சந்திரனின் இரண்டாவது படமான ‘அன்பானவன் அசராதவன் அடங்காதவன்’ படம் ஏகப்பட்ட ட்ரோல்களை சந்தித்து. இந்த தோல்வியில் இருந்து சமீபத்தில் வெளியான ‘மார்க் ஆண்டனி’ படம் கம்பேக் கொடுத்தார்.
இதனையடுத்து தற்போது அஜித்தை இயக்கவுள்ளார். மேலும், ‘மார்க் ஆண்டனி’ வெற்றிக்கு பின்னர் ‘குட் பேட் அக்லி’ படத்தினை இயக்க போகும் ஆதிக் ரவிச்சந்திரன் அஜித்தின் தீவிர ரசிகர் என்பதும் குறிப்பிடத்தக்கது.