வெங்கட் பிரபு இயக்கத்தில் உருவாகி விடும் ‘G.O.A.T’ படத்தில் தற்போது நடித்து கொண்டிருக்கிறார் விஜய். இப்படத்தின் ஷுட்டிங் தற்போது விறுவிறுப்பாக நடந்து வருகிறது.
இந்நிலையில் ‘G.O.A.T’ யை தொடர்ந்து விஜய் அடுத்ததாக நடிக்கவுள்ள ‘தளபதி 69’ படத்தின் இயக்குனர் குறித்து லேட்டஸ்ட் தகவல் ஒன்று வெளியாகியுள்ளது.
விஜய்யின் கடைசி படமான ‘தளபதி 69’ யை யார் இயக்க போகிறார்கள் என்பது குறித்து வெளியாகியுள்ள தகவல் இணையத்தில் வைரலாகி வருகிறது.
‘G.O.A.T’ படத்தின் ஷுட்டிங் விறுவிறுப்பாக நடந்து வருகிறது. வெங்கட் பிரபு இயக்கத்தில் உருவாகும் இதன் படப்பிடிப்பில் தற்போது பிசியாக இருக்கிறார் விஜய். ‘G.O.A.T’ யை தொடர்ந்து விஜய் அடுத்ததாக நடிக்கும் படமே அவரின் கடைசியாக இருக்க போகிறது. இதனால் விஜய்யின் ‘தளபதி 69’ படத்தினை யார் இயக்க போகிறார்கள் என்ற எதிர்பார்ப்பு கோலிவுட் வட்டாரத்தில் எக்கச்சக்கமாக நிலவி வருகிறது.
‘லியோ’ படத்தின் வெற்றியை தொடர்ந்து வெங்கட் பிரபுவுடன் கூட்டணி அமைத்தார் விஜய். எக்கச்சக்கமான நட்சத்திரங்களுடன் ‘G.O.A.T’ படத்தின் ஷுட்டிங் தற்போது மும்முரமாக நடந்து வருகிறது. ஜெயராம், மைக் மோகன், பிரபு தேவா, பிரசாந்த், அஜ்மல் உள்ளிட்ட பலர் இப்படத்தில் விஜய்யுடன் இணைந்து நடித்து வருகின்றனர். அத்துடன் ‘G.O.A.T’ ல் இரண்டு விதமான தோற்றங்களில் நடித்து கொண்டிருக்கிறார் தளபதி.
இந்நிலையில் ‘G.O.A.T’ படத்தினை தொடர்ந்து விஜய் அடுத்ததாக யாருடன் கூட்டணி அமைக்க போகிறார் என்ற கேள்வி தான் தற்போது கோலிவுட் வட்டாரத்தில் தற்போது ஹாட் டாபிக்காக உள்ளது. அண்மையில் தமிழக வெற்றி கழகம் என்ற பெயரில் கட்சி துவங்கியுள்ள விஜய், ஏற்கனவே ஒப்புக்கொண்டுள்ள படத்தை முடித்துவிட்டு தீவிர அரசியலில் இறங்க போவதாக தெரிவித்துள்ளார். இதனால் ‘தளபதி 69’ விஜய்யின் கடைசி படமாக இருக்க போவதாக கூறப்படுகிறது.
இந்நிலையில் இப்படத்தினை விஜய்யின் பேவரைட் இயக்குனரான அட்லீ இயக்க போவதாக ஒரு தகவல் இணையத்தில் தீயாய் பரவி வருகிறது. ஆனால் அட்லீ அடுத்ததாக அல்லு அர்ஜுன் நடிப்பில் புதிய படம் இயக்க போவது ஏறக்குறைய உறுதியாகியுள்ளது. அத்துடன் சன் பிக்சர்ஸ் நிறுவனம் இப்படத்தினை தயாரிக்கவுள்ளது. இதனால் ‘தளபதி 69’ படத்தினை அட்லீ இயக்க போவதில்லை என்பது தெளிவாகியுள்ளது.
இந்நிலையில் விஜய்யின் கடைசி படத்தினை எச். வினோத் இயக்க அதிக வாய்ப்புள்ளதாக வலைப்பேச்சு பிஸ்மி தெரிவித்துள்ளார். ஏற்கனவே கார்த்திக் சுப்புராஜ், ஆர்.ஜே. பாலாஜி சொன்ன கதைகளை ரிஜெக்ட் செய்த விஜய், எச். வினோத் கூறிய ஜானரை ஓகே செய்துள்ளதாக கூறியுள்ளார். இதனால் விஜய்யின் கடைசி படமான ‘தளபதி 69’ யை எச். வினோத்தே இயக்கலாம் என எதிர்பார்க்கப்படுகிறது.