Sangathy
Cinema World

சூர்யாவை விவாகரத்து செய்தால் நான் ஏன் இப்படி செய்றேன்? : வீடியோ வெளியிட்டு கேள்வி எழுப்பிய ஜோதிகா..!

சூர்யாவும், ஜோதிகாவும் விவாகரத்து பெறப் போகிறார்கள் என பேச்சு எழுந்த நிலையில் ஒரு சூப்பர் வீடியோ வெளியாகியுள்ளது.

தானும், கணவர் சூர்யாவும் சேர்ந்து ஒர்க்அவுட் செய்யும் வீடியோவை சமூக வலைதளத்தில் வெளியிட்டுள்ளார் ஜோதிகா.

சூர்யாவும் சரி, ஜோதிகாவும் சரி ஃபிட்னஸ் விஷயத்தில் எப்பொழுதுமே கவனமாக இருப்பார்கள். அதிலும் சூர்யா வேற லெவல் ஃபிட்னஸ் ஃப்ரீக். அவரின் ஃபிட்னஸை பார்த்து தம்பி கார்த்தியே மிரண்டு போயிருக்கிறார். இந்நிலையில் தான் சூர்யாவும், ஜோதிகாவும் சேர்ந்து பயங்கரமாக ஒர்க்அவுட் செய்திருக்கிறார்கள். அப்பொழுது எடுக்கப்பட்ட வீடியோவை சமூக வலைதளத்தில் வெளியிட்டுள்ளார் ஜோதிகா.

சூர்யாவும், ஜோதிகாவும் ஜிம்மில் பயங்கரமாக ஒர்க்அவுட் செய்வதை பார்ப்பவர்களுக்கு ஒரு நிமிஷம் தலையே சுத்திவிட்டது. அடேங்கப்பா அண்ணனும், அண்ணியும் இப்படி ஒர்க் அவுட் செய்கிறார்களே என ரசிகர்கள் வியக்கிறார்கள். ஜோதிகா அண்ணி ஒர்க்அவுட் செய்யும் வேகத்தை பார்த்தால் இரண்டு வளர்ந்த பிள்ளைகளுக்கு அம்மா என்றே சொல்ல முடியாத அளவுக்கு இருக்கிறதே. சூப்பர் அண்ணி என்கிறார்கள் சூர்யா ரசிகர்கள்.

மும்பைக்கு சென்றதில் இருந்து அவ்வப்போது தன் ஒர்க்அவுட் வீடியோக்களை இன்ஸ்டாகிராமில் வெளியிட்டு வருகிறார் ஜோதிகா. இந்நிலையில் தான் கணவருடன் சேர்ந்து ஜிம்முக்கு சென்றபோது எடுக்கப்பட்ட வீடியோவை வெளியிட்டுள்ளார். ஓ, இப்படியும் couple goals பண்ணலாமா என சமூக வலைதளவாசிகள் வியக்கிறார்கள். ஜோதிகா வெளியிட்ட வீடியோவை பார்த்ததும் முதல் ஆளாக பாராட்டியவர் நண்பர் மாதவன் தான். நம்ம குக் வித் கோமாளி புகழ் ஷெஃப் வெங்கடேஷ் பட்டும் ஆச்சரியப்பட்டு கமெண்ட் போட்டிருக்கிறார்.

சூர்யாவும், ஜோதிகாவும் எப்பொழுதுமே ஒற்றுமையாக உள்ளனர். இந்நிலையில் பாலிவுட் படங்களில் நடிக்க வசதியாக மும்பையில் வீடு எடுத்து தங்கியிருக்கிறார் ஜோதிகா. இது தற்காலிகம் தான். ஆனால் சூர்யாவை விவாகரத்து செய்வதால் தான் பிள்ளைகளுடன் மும்பைக்கு சென்றுவிட்டார் என பேசினார்கள். சூர்யாவை விவாகரத்து எல்லாம் செய்யவில்லை, பட வேலைகள் முடிந்ததும் சென்னை திரும்பி வந்துவிடுவேன் என ஜோதிகா விளக்கம் அளித்தார்.

பேச்சை விட வீடியோ தான் சிறந்த ஆதாரம் என ஒர்க்அவுட் வீடியோவை வெளியிட்டு விவாகரத்து பேச்சுக்கு முற்றுப்புள்ளி வைத்துவிட்டார். விவாகரத்து செய்பவர்கள் யாராவது இப்படி சேர்ந்து ஒர்க்அவுட் செய்வார்களா என கேட்காமல் கேட்டுவிட்டார் ஜோதிகா. இதற்கிடையே ரோலக்ஸ் மனைவியாக ஜோதிகாவை நடிக்க வைக்குமாறு லோகேஷ் கனகராஜிடம் ரசிகர்கள் கோரிக்கை விடுத்துள்ளனர். சிலரோ, இது ஏதோ படத்திற்காக தயாராவது போன்று தெரிகிறதே என தெரிவித்துள்ளனர்.

பல ஆண்டுகள் கழித்து ஜோதிகா நடித்த பாலிவுட் படமான சைத்தான் சூப்பர் டூப்பர் ஹிட்டாகிவிட்டது. ஜோதிகாவின் பாலிவுட் கம்பேக் படம் வெற்றி பெற்றதை அடுத்து இந்தி ரசிகர்களின் கவனம் அவர் பக்கம் திரும்பியிருக்கிறது. சைத்தானை அடுத்து தொடர்ந்து பாலிவுட் படங்களில் நடிப்பார் ஜோதிகா என எதிர்பார்க்கப்படுகிறது.

Related posts

என் மனைவியால் தான் இந்த மாற்றம்..எனக்கும் இது பிடிச்சிருக்கு : நெகிழ்ச்சியாக பேசிய தனுஷ்..!

tharshi

விஜய்க்கு கிடைத்த வரவேற்பு…சூர்யாவிற்கு கிடைத்த பாடம்..ஏங்கி தவித்த விக்ரம்…!

tharshi

விஜய்யும் அஜித்தும் தான் இணைந்து நடிப்பதாக இருந்தது..ஆனால் ..உண்மையை உடைத்த பிரபல இயக்குனர் ராஜகுமாரன்..!

tharshi

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy