ஐரோப்பா தனது சொந்த பாதுகாப்பை மேம்படுத்துவதே சிறந்தது

ஐரோப்பாவின் தற்காப்புத் திறனுக்காக இம்மானுவேல் மக்ரோன் குரல் எழுப்பியுள்ளார்.

கிரீஸில் சமகால அரசியல் தொடர்பில் கருத்து தெரிவித்த அவர் இவ்வாறு கூறியுள்ளார்.

இதன்போது மேலும் கருத்து வெளியிட்ட அவர், ஐரோப்பிய ஒன்றிய ஒப்பந்தத்தில் பொறிக்கப்பட்டுள்ள பரஸ்பர உதவிப் பிரிவு தெளிவானது என்றும், அது “வெறும் வார்த்தைகள் அல்ல” என்றும் அவர் கூறினார்.

பிரிவு – 42, பந்தி – 07 ஐப் பொறுத்தவரை அது தெளிவாக உள்ளது என்றும், அதற்கு விளக்கம் அளிப்பதற்கோ அல்லது தெளிவின்மைக்கோ இடமில்லை என்றும் அவர் மேலும் தெரிவித்துள்ளார்.

டொனால்ட் ட்ரம்பின் கீழ் பெருகிவரும் நிலையற்ற அமெரிக்காவைச் சார்ந்திருப்பதை விட, ஐரோப்பா தனது சொந்த பாதுகாப்பை மேம்படுத்துவதே சிறந்தது என்ற தனது நீண்டகால கோரிக்கையையும் மக்ரோன் மீளவும் கூறியுள்ளார்.