Colombo (News 1st) இலங்கைக்கு எதிரான இரண்டாவது டெஸ்ட் கிரிக்கெட் போட்டியில் பாகிஸ்தான் அணி இன்னிங்ஸ் மற்றும் 222 ஓட்டங்களால் வெற்றியீட்டியது.
பாகிஸ்தான் அணி 2-0 என்ற கணக்கில் தொடரை கைப்பற்றியது.
கொழும்பு SSC மைதானத்தில் நடைபெற்ற போட்டியில் முதல் இன்னிங்ஸில் இலங்கை அணி 166 ஓட்டங்களையே பெற்றது.
பதிலுக்கு துடுப்பெடுத்தாடிய பாகிஸ்தான் அணி, 05 விக்கெட் இழப்பிற்கு 576 ஓட்டங்கள் இருக்கையில் தனது முதல் இன்னிங்ஸ் ஆட்டத்தை நிறுத்திக்கொண்டது.
இரண்டாவது இன்னிங்ஸிற்காக துடுப்பெடுத்தாடிய இலங்கை அணியின் தலைவர் திமுத் கருணாரத்ன 41 ஓட்டங்களை குவித்தார்.
இலங்கை அணி சார்பில் அஞ்சலோ மெத்தியூஸ் அதிகபட்சமாக 63 ஓட்டங்களை பெற்றார்.
பாகிஸ்தான் அணியின் பந்துவீச்சாளர் நோமன் அலி 70 ஓட்டங்களுக்கு 7 விக்கெட்களை கைப்பற்றினார்.
இலங்கை அணியின் இரண்டாம் இன்னிங்ஸ் 188 ஓட்டங்களுக்கு மட்டுப்படுத்தப்பட்டது.
பாகிஸ்தான் அணி இலங்கைக்கு எதிராக பெற்றுக்கொண்ட அதிசிறந்த வெற்றி இதுவாகும்.