ஐபிஎல் 17ஆவது சீசனில், சிஎஸ்கே பிளே ஆப் செல்ல வாய்ப்புகள் பிரகாசமாக உள்ளது.
ஐபிஎல் 17ஆவது சீசனில், சிஎஸ்கே 5 போட்டிகளில் 3 வெற்றிகளை பெற்று, 4ஆவது இடத்தில் உள்ளது.
ஐபிஎல் 17ஆவது சீசனில், ஒவ்வொரு அணிக்கும் தலா 4 முதல் 5 போட்டிகள் நிறைவு பெற்றுள்ளது. இதில், ராஜஸ்தான் ராயல்ஸ் அணி 4 போட்டிகளிலும் வென்று, வீழ்த்த முடியாத ஒரே அணியாக திகழ்கிறது.
முதலிடத்தில் ராஜஸ்தான் அணி 8 புள்ளிகளுடன் உள்ளது. அடுத்து, கொல்கத்தா நைட் ரைடர்ஸ், லக்னோ சூப்பர் ஜெய்ண்ட்ஸ் ஆகிய அணிகள் 4-ல் மூன்று வெற்றிகளையும், சிஎஸ்கே அணி 5-ல் மூன்று வெற்றிகளையும் பெற்று, 2, 3, 4 ஆகிய இடங்களில் உள்ளன.
சன் ரைசர்ஸ் ஹைதராபாத் அணியும், சிஎஸ்கேவை போல 5-ல் மூன்று வெற்றிகளை பெற்றுள்ளது. அடுத்து, பஞ்சாப் கிங்ஸ் மற்றும் குஜராத் டைடன்ஸ் ஆகிய அணிகள் 5-ல் இரண்டு வெற்றிகளுடன் 4 புள்ளிகளை பெற்று ஹைதராபாத்துக்கு அடுத்து 6, 7 ஆகிய இடங்களில் உள்ளன. மும்பை அணி 4-ல் ஒரு வெற்றியை பெற்று, 8ஆவது இடத்தில் உள்ளன.
கடைசி இரண்டு இடங்களில் ஆர்சிபி மற்றும் டெல்லி கேபிடல்ஸ் ஆகிய அணிகள் உள்ளன. இரு அணிகளும் 5 போட்டிகளில் ஒரேயொரு வெற்றியைப் பெற்று கவலைக்கிடமான நிலையில் உள்ளன.
சிஎஸ்கே அணி, 5 போட்டிகளில் 3-ல் வென்றுள்ளது. மூன்று வெற்றிகளும் ஹோம் கிரோண்டில்தான். சிஎஸ்கே தனது அடுத்தடுத்த லீக் ஆட்டங்களில் மும்பை, லக்னோ, லக்னோ, சன் ரைசர்ஸ், பஞ்சாப் கிங்ஸ், பஞ்சாப் கிங்ஸ், குஜராத், ராஜஸ்தான், ஆர்சிபி ஆகிய அணிகளுக்கு எதிராக விளையாட உள்ளது.
சிஎஸ்கேவன் அடுத்த 9 போட்டிகளில் 5 வெற்றிகளை பெற்றாக வேண்டும். சிஎஸ்கேவுக்கு கடும் சவால் அளிக்கக் கூடிய அணிகளாக மும்பை, ஆர்சிபி மட்டுமே இருக்கிறது. இரண்டு முறை லக்னோ, இரண்டு முறை பஞ்சாப் ஆகிய அணிகளுக்கு எதிராக விளையாட உள்ளனர். ஒரு போட்டியில் குஜராத் என இந்த 5 போட்டிகளிலும் சிஎஸ்கேவுக்கு வெற்றி வாய்ப்பு பிரகாசமாக இருக்கும்.
10 வெற்றிகளை பெற முடியும்..?
சிஎஸ்கே இதே பார்மில் விளையாடினால், அடுத்த 9 போட்டிகளில் 7 வெற்றிகளை பெற வாய்ப்புகள் இருப்பதாக கருதப்படுகிறது. ஆக மொத்தம், சிஎஸ்கே இம்முறை 10 போட்டிகளில் வென்று பிளே ஆப் சுற்றுக்கு முன்னேற வாய்ப்பு பிரகாசமாக இருக்கிறது. குறைந்தபட்சம், 8 போட்டிகளிலாவது சிஎஸ்கே வெல்லும் எனக் கருதப்படுகிறது.
பிளே ஆப் போட்டிகள் மே 21, 22 மற்றும் மே 24 ஆகிய திகதிகளில் நடைபெறும். முதலில் குவாலிபையர் 1, அடுத்து எலிமினேட்டர், அடுத்து குவாலிபையர் 2 ஆகிய ஆட்டங்கள் நடைபெறும். பைனல், மே 26 ஆம் திகதி நடைபெறும்.