ஜிவி பிரகாஷ், மமிதா பைஜு நடிப்பில் கடந்த மாதம் 22 ஆம் திகதி திரையரங்குகளில் ரிலீஸ் ஆனது ‘ரெபல்’. ரசிகர்கள் மத்தியில் கலவையான விமர்சனங்களை பெற்ற இப்படம் பெரியளவில் வரவேற்பை பெறவில்லை. இந்நிலையில் ‘ரெபல்’ படம் தற்போது ஓடிடியில் ரிலீஸ் செய்யப்பட்டுள்ளது.
கடந்த இரண்டு மாதங்களாக ஜிவி பிரகாஷின் படங்கள் வரிசைக்கட்டி ரிலீஸ் ஆகி வருகின்றன. அந்த வகையில் கடந்த இரண்டு வாரங்களுக்கு முன்பாக ‘ரெபல்’ படம் வெளியானது. கலவையான விமர்சனங்களை பெற்ற இப்படம், பெரியளவில் ரசிகர்களை கவரவில்லை. இந்நிலையில் ‘ரெபல்’ படத்தின் ஓடிடி ரிலீஸ் ரசிகர்கள் மத்தியில் அதிர்ச்சியை ஏற்படுத்தியுள்ளது.
தமிழ் சினிமாவில் முன்னணி இசையமைப்பாளராக கலக்கி வந்தவர் ஜிவி பிரகாஷ். பல ஹிட் பாடல்களை கொடுத்து வந்த நிலையில் ஹீரோவாகவும் அவதாரம் எடுத்தார். இவரின் முதல் படமே பிளாக் பஸ்டர் ஹிட்டடிக்க, தொடர்ந்து படங்களில் நடித்து வருகிறார். கைவசம் ஏராளமான படங்களில் பிசியாக நடித்து வருகிறார்.
அப்படி ஜிவி பிரகாஷ் நடித்த படங்கள் தற்போது வரிசையாக ரிலீஸ் ஆகி வருகின்றன. அந்த வகையில் கடந்த 22 ஆம் திகதி திரையரங்குகளில் வெளியானது ‘ரெபல்’. ஜிவி பிரகாஷ் குமார், மமிதா பைஜு, கருணாஸ், ஆதித்யா பாஸ்கர் உள்ளிட்ட பலர் நடிப்பில் நிகேஷ் இப்படத்தினை இயக்கியிருந்தார். கேரளாவில் 80களில் நடந்த உண்மை சம்பவத்தை அடிப்படையாக கொண்டு இப்படத்தினை இயக்கினார் நிகேஷ்.
ஆனால் எதிர்பார்த்த அளவில் ‘ரெபல்’ படம் ரசிகர்கள் மத்தியில் வரவேற்பை பெறவில்லை. மலையாளிகள் அனைவரும் கெட்டவர்கள் போன்று காட்டும் இன வெறுப்பு பிரச்சாரமாகவே இப்படம் உருவாகியுள்ளதாக விமர்சிக்கப்பட்டது.
இந்நிலையில் கடந்த 22 ஆம் திகதி ‘ரெபல்’ திரையரங்குகளில் வெளியான நிலையில் ரிலீசான இரண்டே வாரத்தில் ஓடிடியில் ரிலீஸ் செய்யப்பட்டுள்ளது.
எவ்வித முன்னறிவிப்பும் இன்றி திடீரென அமேசான் ப்ரைம் தளத்தில் ‘ரெபல்’ படம் வெளியாகியுள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது. தமிழில் ஒருப்படம் வெளியாகி குறைந்தபட்சம் ஒரு மாதம் கழித்து தான் ஓடிடியில் ரிலீஸ் செய்ய வேண்டும் என்ற நடைமுறை உள்ளது.
இந்நிலையில் ‘ரெபல்’ படம் இரண்டே வாரத்தில் ஓடிடியில் ரிலீஸ் செய்யப்பட்டுள்ளது குறித்து இணையத்தில் பரபரப்பாக பேசப்பட்டு வருகிறது.
இதனிடையில் ‘ரெபல்’ படத்தினை தொடர்ந்து ஜிவி பிரகாஷ் நடிப்பில் ‘கள்வன்’ கடந்த 4 ஆம் திகதி திரையரங்குகளில் ரிலீஸ் ஆகியுள்ளது. இயக்குனர் இமயம் பாரதிராஜா, இவானா, தீனா உள்ளிட்டோர் நடிப்பில் வெளியாகியுள்ள இப்படம் கலவையான விமர்சனங்களை பெற்று வருகிறது.
இதனையடுத்து வரும் 11 ஆம் திகதியே ஜிவி பிரகாஷ் நடிப்பில் ‘டியர்’ என மற்றொரு படமும் ரிலீசாகவுள்ளது குறிப்பிடத்தக்கது.