நீ வருவாய் என திரைப்படத்தை இயக்கிய ராஜகுமாரன் அஜித் மற்றும் விஜய் இருவரையும் வைத்து ஒரு படமெடுக்க முயற்சித்துள்ளார். பார்த்திபன் நடித்த ரோலில் முதலில் விஜய் தான் நடிப்பதாக இருந்தது என்றார் ராஜகுமாரன் .
விஜய் தற்போது வெங்கட் பிரபுவின் இயக்கத்தில் GOAT படத்தில் நடித்து வருகின்றார். இப்படத்தின் படப்பிடிப்பு தற்போது விறுவிறுப்பாக நடைபெற்று வருகின்றது. கடந்தாண்டு அக்டோபர் மாதம் துவங்கிய இப்படத்தின் படப்பிடிப்பு தற்போது இறுதிக்கட்டத்தை எட்டியிருக்கிறது. யுவன் ஷங்கர் ராஜாவின் இசையில் ஏ.ஜி.எஸ் தயாரிப்பில் உருவாகும் இப்படத்தில் பிரஷாந்த், பிரபுதேவா, மோகன், சினேகா, லைலா என பலர் நடித்து வருகின்றனர்.
விஜய் படங்களிலேயே இப்படம் வித்யாசமான ஒரு படமாக இருக்கும் என்று எதிர்பார்க்கப்படுகின்றது. இப்படத்தை தொடர்ந்து விஜய் தன் கடைசி திரைப்படமான தளபதி 69 திரைப்படத்தில் நடிக்கவுள்ளார். அநேகமாக இப்படத்தை எச்.வினோத் இயக்குவது கிட்டத்தட்ட உறுதியானதாக சொல்லப்படுகின்றது. GOAT படப்பிடிப்பு முடிந்ததும் இப்படத்தின் அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது.
மேலும் ஜூன் மாதம் துவங்கி இப்படத்தின் படப்பிடிப்பை டிசம்பர் மாதத்திற்குள் முடித்துவிட படக்குழு முடிவெடுத்துள்ளது. அதன் பிறகு விஜய் முழு நேர அரசியலில் ஈடுபட இருப்பதால் நடிப்பில் இருந்து முழுவதுமாக விலகவுள்ளார். இந்நிலையில் விஜய் தன் திரைப்பயணத்தில் பல ஹிட் படங்களில் நடித்துள்ளார் என்றாலும் ஒரு சில ஹிட் படங்களில் நடிக்கும் வாய்ப்பினையும் தவறவிட்டுள்ளார்.
அந்த வகையில் 90 களில் வெளியாகி மாபெரும் வெற்றிபெற்ற ஒரு படத்தில் நடிக்கும் வாய்ப்பு விஜய்க்கு வந்தது. ஆனால் சில பல காரணங்களால் அப்படத்தில் விஜய்யால் நடிக்கமுடியாமல் போனதாம். ராஜகுமாரன் இயக்கத்தில் பார்த்திபன், அஜித் மற்றும் தேவயானி ஆகியோரின் நடிப்பில் வெளியான திரைப்படம் தான் நீ வருவாய் என.
சூப்பர் குட் பிலிம்ஸ் தயாரிப்பில் வெளியான இப்படம் மிகப்பெரிய வெற்றியை பெற்றது. இப்படத்தில் அஜித் சிறப்பு தோற்றத்தில் நடித்திருக்க பார்த்திபன் ஹீரோவாக நடித்திருப்பார். முதலில் இப்படத்தை அஜித் மற்றும் விஜய்யை வைத்து தான் இயக்குனர் ராஜகுமாரன் இயக்கயிருந்தார். அஜித் ஓகே கூறிய நிலையில் விஜய்யிடம் கேட்டுள்ளார் ராஜகுமாரன்.
ஆனால் விஜய் அந்த சமயத்தில் பல படங்களில் அடுத்தடுத்து கமிட்டாகியிருந்ததால் அவரால் நீ வருவாய் என படத்தில் நடிக்கமுடியவில்லையாம். எனவே தான் அதற்கு பதிலாக பார்த்திபனை நடிக்க வைத்தார் ராஜகுமாரன். இயக்குனர் விக்ரமனின் உதவி இயக்குனராக பணியாற்றிய ராஜகுமாரன் நீ வருவாய் என படத்தின் மூலம் இயக்குனராக அறிமுகமானார்.
தன் முதல் படத்திலேயே அஜித் மற்றும் விஜய் என இருவரையும் இணைந்து நடிக்க வைக்க முயற்சித்துள்ளார் ராஜகுமாரன். ஆனால் அது நடக்கவில்லை. இருந்தாலும் விஜய்க்கு பதிலாக பார்த்திபன் நடித்த நீ வருவாய் என திரைப்படம் மிகப்பெரிய வெற்றிப்படமாக அமைந்தது என்பது குறிப்பிடத்தக்கது.